سەردێڕ:

عێراق لەبارەی عەمرەکردن لە مانگی رەمەزاندا ئاگاداریەکی بڵاوکردەوە

PM:08:10:25/03/2022

9548 جار خوێندراوەتەوە

دەستەی حەج و عەمرەی عێراق رایگەیاند، ئەو هاوڵاتییانەی خوازیارن لە هەردوو مانگی رەمەزان و شەوال دا عەمرە ئەنجامبدەن، پێویستە ناوی خۆیان تۆماربکەن. دەشڵێت، "تەنها لەو کۆمپانیایانەی لەلایەن دەستەی حەج و عەمرەوە باوەڕپێکراون."


ئەمڕۆ هەینی، دەستەی حەج و عەمرەی عێراق راگەیەندراوێکی بڵاو کردەو تیایدا ئاماژەی بەوەدا، ئەو هاوڵاتییانەی خوازیارن لە هەردوو مانگی رەمەزان و شەوال دا عەمرە ئەنجامبدەن پێویستە ناوی خۆیان تۆمار بکەن.

دەشڵێت، پێویستە عەمرەکاران گەشتەکانیان لەگەڵ ئەو کۆمپانیانەبێت کە لەلایەن دەستەی حەج و عەمرەوە باوەڕپێکراون ئەمەش بەئامانجی دڵنیابوون لەوەی کە باشترین خزمەتگوزارییان پێشکەشدەکرێت.

باسی لەوەشکردووە، ئەو کۆمپانیانەی لەلایەن دەستەی حەج و عەمرەوە باوەڕپێکراون ٢٠٠ هەزار و ٤٠٩ عەمرەکاریان لە رێگەی هێڵی ئاسمانی عێراقەوە ناوی خۆیان بۆ ئەنجامدانی عەمرە تۆمار کردووە.

دەشڵێت، لەو ژمارەیە ٩٣ هەزار و ٣٨٩ عەمرەکار لەڕێگەی فڕۆکەخانەی بەغداوە و٣١ هەزار و ٩٠٩ عەمرەکاری دیکەش لەڕێگەی فڕۆکەخانەی هەولێرەوە و ٥٠ هەزار و ٦٣٣ عەمرەکار لەڕێگەی فڕۆکەخانەی نەجەف و ١٨ هەزار و ٣٨٣ عەمرەکار لەڕێگەی فڕۆکەخانەی بەسرە و شەش هەزار و ٩٥ عەمرەکاری دیکە لە رێگەی فڕۆکەخانەی سلێمانیەوە گەشتەکانیان ئەنجامدەدەن.

ئەمەش لە کاتێکدایە، ساڵانە لە مانگی رەمەزاندا خواستی مسوڵمانان بۆ ئەنجامدانی عەمرە زیاد دەکات و سەردانیکەرێکی زۆر روو لە هەردوو شاری مەکە و مەدینە لە وڵاتی سعودیە دەکەن.













گەلەری