سەردێڕ:

مالیکی نوێترین هەڵوێستی خۆی لەبارەی چارەنوسی پەرلەمانی عێراقەوە ئاشکرا کرد

PM:02:10:22/03/2022

11424 جار خوێندراوەتەوە

سەرۆکی هاوپەیمانی دەوڵەتی یاسا رایگەیاند، دانیشتنی داهاتوی پەرلەمان بە ئامانجی هەڵبژاردنی سەرۆک کۆمارە و سەرجەم ئەو دەنگۆیانەشی رەتکردەوە کە داوای هەڵوەشاندنەوەی پەرلەمان و دووبارە هەڵبژاردنەوەی دەکەن.


ئەمرۆ سێشەممە، نوری مالیکی سەرۆکی هاوپەیمانی دەوڵەتی یاسا لە نوێترین تویتیدا رایگەیاند، دەنگۆ و بابەتی هەڵوەشاندنەوەی پەرلەمان و دوو بارە هەڵبژاردنەوەی جێگەی قەبوڵکردن نییە.

دەشڵێت، هیچ هێزێکی سیاسی ناو چوارچێوەی هەماهەنگی رێگە بەم بابەتەنادات و بەهەموو هێزییەوە دژی دەبنەوە.

ئاماژەی بەوەشداوە، هیچ هێزێکی سیاسی بابەتی هەڵوەشاندنەوەی پەرلەمان و دووبارەکردنەوەی هەڵبژاردنی پێشنیاز نەکردووە و بڵاوکردنەوەی ئەو دەنگۆیانەش تەنها بۆ دروستکردنی پروپاگەندەیە پێش سازکردنی دانیشتنی داهاتووی پەرلەمان و دروستکردنی ترسە لە دڵی پەرلەمانتارە سەربەخۆکان تا هانیانبدەن ئامادەی دانیشتنەکەبن

لەبەشێکی دیکەی تویتەکەیدا، نوری مالیکی سەرۆکی هاوپەیمانی دەوڵەتی یاسا ئەوەشی خستووەتەڕوو، رۆژی ٢٦ی ٣٦ ٢٠٢٢ رۆژی دانیشتنی پەرلەمان و هەڵبژاردنی سەرۆک کۆمارە.













گەلەری