وەزیری دەرەوەی عێراق رایگەیاند، گەڕانەوە بۆ گفتوگۆکان و رێگەچارە سیاسییەکان بۆ کۆتایهێنانی جەنگی نێوان روسیا و ئۆکرانیا گرنگە.
ئەمڕۆ شەممە، وەزارەتی دەرەوەی عێراق راگەیەنراوێکی بڵاوکردەوە و تیایدا هاتووە، فواد حسێن وەزیری دەرەوەی عێراق پێشوازی لە مارک بریسۆن ریچارد سەن باڵیۆزی بەریتانیا کرد و لەگەڵیدا کۆبوونەوەیەکی ئەنجامدا.
ئاماژەی بەوەشداوە، لە
کۆبوونەوەکەدا، وەزیری دەرەوەی عێراق جەختی کردووەتەوە لەسەر رێگەچارەی سیاسی و بەردەوامیدان بەگفتوگۆکان لە نێوان ئۆکرانیا و روسیا بە ئامانجی کۆتایی پێهێنانی
جەنگی نێوانیان.
راگەیەنراوەکە ئەوەشی
خستووەتەڕوو، وەزیری دەرەوەی عێراق تیشکی خستووەتە سەر رێزگرتن و لەبەرچاوگرتنی یاسا نێودەوڵەتییەکان.
راگەیەنراوەکە باسی
لەوەشکردووە، لە دیداری نێوان وەزیری دەرەوە و باڵیۆزی بەریتانیادا گفتوگۆیان
لەبارەی پتەوکردنی پەیەوەندییەکانی نێوان دوو وڵات کردووە و لەسەر هەموو ئاستەکان
و یەکخستنی هەوڵەکانیان بە ئامانجی خزمەتکردنی بەرژەوەندی گشتی هەردوو وڵات.
دەشڵێت، لەبارەی پێشخستنی کەرتی
ئابورى و هاوکارییە بازرگانییەکان و یەکخستنی هه وڵه کانیان بۆ رووبەڕووبونەوەی بەربەستەکان
هاوڕابوون.