سەردێڕ:

بانکی ناوەندی عێراق بڕی فرۆشی دۆلاری لە بازاڕی دراودا کەمکردەوە

PM:04:34:10/03/2022

7564 جار خوێندراوەتەوە

بانکی ناوەندی عێراق رایگەیاند، لە زیادکردنێکی ئاشکرا دا بڕی ١٩٢ ملیۆن و ٩٤٨ هەزار و ٣٨٣ دۆلاری خستەبازاڕەوە، بەمەش بەراورد بە دوێنێ بڕی دۆلاری فرۆشراوی دابەزاند.


ئەمڕۆ پێنجشەممە، بانکی ناوەندی عێراق لە راگەیەنراوێکیدا ئاشکرای کرد، بڕی دۆلاری فرۆشراو دابەزینی بەخۆیەوە بینی بەشێوەیەک بڕی ١٩٢ ملیۆن و ٩٤٨ هەزار و ٣٨٣ دۆلاری خستووەتە بازاڕەوە.

ئاماژەی بەوەشداوە، دوێنێ بڕی ٢٠٨ ملیۆن و ٤٥١٤ هەزار و ٢٩٨ دۆلاری خستبووە بازاڕەوە. بەمەش لەمڕۆدا بڕی دۆلاری فرۆشراوی کەمکردەوە.

راگەیەنراوەکەی بانکی ناوەندی باسی لەوەشکردووە، نرخی یەک دۆلاری بە ١٤٦٠ دینار دیاری کردووە.

دەشڵێت، لەو بڕە پارەیە بڕی ١٥٨ ملیۆن و ١٢٨ هەزار و ٣٨٣ دۆلاری بۆ ئاڵوگۆڕکردنی نەختینەیی دراویی بیانی بووە لەدەرەوەی وڵات بەمەش ئاستی ئاڵوگۆڕکردنی دراوی بیانی بەرزبووەتەوە.

ئەوەشی خستووەتەڕوو، بڕی ٣٤ ملیۆن و ٨٢٠ هەار دۆلاریش لەو بڕە پارەیە بەشێوەی نەختینەیی لەناو خۆدا ئاڵوگۆڕ و مامەڵەی پێوەدەکرێت.













گەلەری