سەردێڕ:

بانکی رافیدەین پێشینەی ٢٥ ملیۆن دیناری دەداتە فەرمانبەران

PM:01:51:07/03/2022

33340 جار خوێندراوەتەوە

بانکی رافیدەین رایگەیاند، پێشینەی پێنج ملیۆن دیناری تا دەگاتە ٢٥ ملیۆن دیناری دەداتە فەرمانبەرانی کەرتی گشتی و ڕێژەی سودەکەشی ٥٪ ە و ماوەی دانەوەی قەرزەکەش پێنج ساڵە.


ئەمرۆ دووشەممە، بانکی رافیدەین لە راگەیەنراوێکیدا ئاماژەی بەوەدا، بڕیاریانداوە ئە فەرمانبەرانی لە بانکی رافیدین موچەوەردەگرن و ئەوانەشی لەو بانکە موچە وەرناگرن پێشینەیان پێبدات.

ئەوەشی خستووەتەڕوو، پێشینەکە ئەفەسرانی هەردوو وەزارەتی بەرگری و ناوخۆش دەگرێتەوە.

لەبارەی بڕی پێشینە و سود و ماوەی دانەوەی قەرزەکەشەوە، راگەیەنراوەکەی بانکی رافیدەین ئەوەشی خستووتەڕوو، بڕی پێشینەکە لە پێنج ملیۆنەوە دەستپێدەکات و لە ٢٥ ملیۆندا کۆتایی دێت.

دەشڵێت، رێژەی ئەو سودەی دەچێتە سەر پێشینەکە لە ٥٪دایە و ماوەی دانەوەی پێشینەکەش پێنج ساڵە.

راگەیەنراوەکە باسی لەوەشکردووە، فەرمانبەرانی شارستانی لە فەرمانگەکانی حکومیدا دەتوانن پێشینەی بانکەکە وەربگرن بەمەرجێک کەسێک کە موچە لە بانکی رافیدەین وەردەگرێت و ماستەر کاردی هەیە ببێتە کەفیلی.

لەبارەی ئەو فەسەرانەی پێشینەکە وەردەگرن دەبێت فەرمانبەرێک بکەنە کەفیل کە موچە لە بانکی رافیدەین وەردەگرێت یان دوو فەرمانبەر کەلە بانکی دیکە موچە وەردەگرن.













گەلەری