ئەمشەو چوارشەممە، نرخی نەوت بەرزترین ئاستی لەماوەی هەشت ساڵی رابردوویدا تۆمارکرد و بەرمیلێک نەوتی خاوی برێنت گەیشتە ١١٥ دۆلاری ئەمریکی.
ئەمەش دوابەدوای ئەوە دێت ئەمڕۆ بەیانی نرخی بەرمیلێک نەوت بە ١١٠ دۆلار و ٨ سەنت بوو، بەمەش تەنها لەماوەی دوو رۆژدا نرخی نەوت نزیکەی ١٥ دۆلار بەرزبووەتەوە.
هاوکات،
نرخی یەک بەرمیل نەوتی ئەمریکی بە ١١١ دۆلار و ٩ سەنت مامەڵەی پێوەدەکرێت و
بەمەش نرخی یەک بەرمیل نەوت بەراورد بە بەیانی زیاتر لە دوو دۆلار و ٦٠ سەنت
بەرزبووەتەوە.
بەگوێرەی
پێشبینییەکان لەمساڵدا بەراورد بە ساڵی رابردوو، خواست لەسەر نەوت زیاد دەکات و بۆ
٩٦ ملیۆن و ٤٠٠ ھەزار بەرمیل لە رۆژێکدا بەرز دەبێتە.
ئەمە
لەکاتێکدایە، رۆژی ٢٣ی مانگی رابردوو، سەرۆکی روسیا فەرمانیدا
بە دەستپێکردنی ئۆپراسیۆنە سەربازییەکان لە ناو خاکی ئۆکرانیادا و ئەمەش بووە هۆی
بەرزکردنەوەی نرخی نەوت لە بازاڕەکانی جیهاندا و ماوەی حەوت رۆژە رووبەڕووبوونەوەی
سەربازی لەناو خاکی ئۆکرانیا بەردەوامی هەیە.
رێکخراوی ئۆپیک پڵەس دەڵێت، پابەندن بە
بەرهەمهێنانی ٤٠٠ هەزار بەرمیل نەوتی رۆژانە و رێژەی بەرهەمهێنان کامناکەنەوە.
بەگوێرەی
بەشێک لە چاودێرانی سیاسی و ئابوری، گۆڕانکارییەکانی نرخی نەوت پەیوەندی بە لێدوانە
جیاوازکانی ئەمریکا و روسیا و وڵاتانی جیهانەوە هەیە لەبارەی قەیرانەکانی ئۆکرانیا
و مەترسییەکانی گەورەبوونی جەنگەکە لەلایەکی دیکەوە هۆکارە بۆ گۆڕانکاری لە
نرخەکەیدا.