سەردێڕ:

نرخی نەوت بەرزترین ئاستی لەماوەی هەشت ساڵی رابردوودا تۆمارکرد

PM:08:36:01/03/2022

5712 جار خوێندراوەتەوە

ئەمشەو سێشەممە، نرخی نەوت بەرزترین ئاستی لەماوەی هەشت ساڵی رابردوویدا تۆمارکرد و بەرمیلێک نەوتی خاوی برێنت بە ١٠٧ دۆلار و ٣٢ سەنت مامەڵەی پێوەدەکرێت.


ئەمەش دوابەدوای ئەوە دێت ئەمڕۆ بەیانی نرخی بەرمیلێک نەوت بە ١٠٠ دۆلار و ٩٩ سەنت بوو، بەمەش تەنها لەمڕۆدا نرخی یەک بەرمیل نەوت شەش دۆلار و ٣٣ سەنت بەرزبووەتەوە.

هاوکات، نرخی یەک بەرمیل نەوتی خاوی ئەمریکی بە ١٠٦ دۆلار و ٤٣ سەنت مامەڵەی پێوەدەکرێت و بەمەش نرخی یەک بەرمیل نەوت بەراورد بە بەیانی نۆ دۆلار و ٧٨ سەنت بەرزبووەتەوە.

بەگوێرەی پێشبینییەکان لەمساڵدا بەراورد بە ساڵی رابردوو، خواست لەسەر نەوت زیاد دەکات و بۆ ٩٦ ملیۆن و ٤٠٠ ھەزار بەرمیل لە رۆژێکدا بەرز دەبێتە.

ئەمە لەکاتێکدایە، بەرەبەیانی رۆژی ٢٣ی ئەممانگە ڤلادیمیر پوتین سەرۆکی روسیا فەرمانیدا بە دەستپێکردنی ئۆپراسیۆنە سەربازییەکان لە ناو خاکی ئۆکرانیادا و ئەمەش بووە هۆی بەرزکردنەوەی نرخی نەوت لە بازاڕەکانی جیهاندا و ماوەی شەش رۆژە رووبەڕووبوونەوەی سەربازی لەناو خاکی ئۆکرانیا بەردەوامی هەیە.

بەگوێرەی بەشێک لەچاودێرانی سیاسی و ئابوری، گۆڕانکارییەکانی نرخی نەوت پەیوەندی بە لێدوانە جیاوازکانی ئەمریکا و روسیا و وڵاتانی جیهانەوە هەیە لەبارەی قەیرانەکانی ئۆکرانیا و مەترسییەکانی گەورەبوونەوەی جەنگەکە لە لایەکی دیکە هۆکارە بۆ گۆڕانکاری لە نرخەکەیدا.













گەلەری