سەردێڕ:

بڕیاری نوێ لەبارەی عەمرەوە درا

PM:03:43:01/08/2021

16088 جار خوێندراوەتەوە

وەزارەتی حەج و عەمرەی عەرەبستانی سعودیە رایگەیاند، لە بەرواری ١٠ى ئەم مانگە پێشوازی لە ٢٠ هەزار عومرەکار لە ناوەوە و دەرەوەی سعودیە پێشوازییان لێدەکرێت، ئەمەش وەکو یەکەم کاروان دوای کۆتاییهێنان بە وەرزی فەریزەی حەج.


هاشم سەعید وتەبێژی وەزارەتی حەج و عەمرە لە سعودیە رایگەیاند، وەرزی عەمرەکاران لە ١٠ى ئەم مانگە دەستپێدەکات بۆ ئەنجامدانی عەمرە و دەشتوانن سەردانی مەدینەی منەوەرە بکەن.

وتەبێژی وەزارەتی حەج و عەمرەی سعودیە باسی لەوەشکرد، هاتنى عەمرەکاران لە دەرەوەى سعودیه کراوەیە بۆ هاوڵاتیانی ئەو وڵاتانەى کە رێگەپێدراوە .

هاشم سەعید وتیشی، لە داهاتوویەکى نزیکدا ژمارەى هاتنى گەشتیاران زیاتر دەکرێت.

پێشتر وەزارەتی حەج و عەمرەی سعودیە لە راگەیەنراوێکدا بڵاویکردەوە، سعودیە بڕیاریداوە هەنگاو بە هەنگاو رێگە بەئاساییبونەوەی مەراسیمی عەمرە بدات و مەراسیمەکەش لە رۆژی ١٠ ى ئابەوە دەستپێدەکاتەوە.








گەلەری