سەردێڕ:

ئەمڕۆ نەوەی نوێ چ بڕیارێک دەدات؟

AM:09:24:29/01/2022

4556 جار خوێندراوەتەوە

بڕیارە ئەمڕۆ ئەنجومەنی باڵای نەوەی نوێ کۆبوونەوەیەک ئەنجامبدات بۆ بڕیاردان لەسەر کاندیدی سەرۆکایەتی کۆمار و دواتریش شاسوار عەبدولواحید سەرۆکی جوڵانەوەی نەوەی نوێ لەبارەی دەرەنجامەکانی کۆبوونەوەکە کاتژمێر ١١ و ٣٠ خولەک کۆنفرانسێکی رۆژنامەنوسی سازدەکات.


ئەنجومەنی سیاسی نەوەی نوێ لە کۆبوونەوەی ئەمڕۆیدا بڕیاری یەکلاکەرەوە دەدات لەسەر پرسی سەرۆک کۆمار و کاندیدەکانی ئەو پۆستە و شێوازی بەشداریکردنی جوڵانەوەکە لە پرۆسەی هەڵبژاردنی سەرۆک کۆماری عێراق؛ کە بڕیارە ٧ی مانگی داهاتوو پەرلەمانی عێراق دانیشتنی تایبەت بە پرسەکە بکات.

 

لە ئێستادا کە پارتی و یەکێتی ناکۆکن لەسەر پۆستی سەرۆک کۆمار هەموو هەوڵەکانیان خستووەتەگەڕ بۆ بەدەستهێنانی و بۆ یەکلابوونەوەی کاندیدانی پۆستەکە، کە بۆ ئەو بابەتەش چاویان لەسەر نەوەی نوێ و هاوپەیمانی لە پێناو خەڵکە کە خاوەنی ٢٨ کورسی پەرلەمانی عێراقن و شاسوار عەبدولواحید سەرۆکایەتی هاوپەیمانێتییەکە دەکات.

لە ئێستا هاوپەیمانێتییەکە خۆیشیان کاندیدیان هەیە بۆ پۆستی سەرۆک کۆمار، بەڵام پارتی و یەکێتی چاویان لەسەر دەنگەکانی نەوەی نوێ و هاوپەیمانێتییەکەیانە تا دەنگ بدات بە یەکێک لە دوو کاندیدی پارتی و یەکێتی. بۆیە سبەی جوڵانەوەکە بڕیار دەدات کە ئایا کاندیدەکەی خۆیان دەکشێننەوە و دەنگ دەدەنە کاندیدی پارتی و یەکێتی؟ یاخود کاندیدەکەیان بەردەوام دەبێت.

 













گەلەری