سەردێڕ:

وێنە.. بەفر بارینێکی زۆر ئەردەن و فەڵەستینی گرتووەتەوە

PM:01:25:27/01/2022

3464 جار خوێندراوەتەوە

لە ئێستادا شەپۆلێکی بەفر بارین هەریەک لە وڵاتانی فەڵەستین و ئەردەنی گرتووەتەوە.


بەگوێرەی ماڵپەڕی سکای نیوزی عەرەبی، پاش دابەزینی بەرچاوی پلەکانی گەرما لە وڵاتی فەڵەستین بەفر لە سەنتەری شاری قودس و زۆربەی شارەکانی تری ئەو وڵاتەدا باریوە.

ئاماژەی بەوەشکردووە، حکومەتی فەڵەستین بڕیاری راگرتنی دەوامی فەرمی سەرجەم دامودەزگا و خوێندنگا و زانکۆکانی داوە.

هاوکات، بەفر بارینێكی زۆر رووی لە عەممانی پایتەختی ئەردەن و زۆرینەی شارەکانی ئەو وڵاتە کردووە، کە بووەتە هۆی داخستنی بەشێک لە رێگاکان و دروستکردنی ئاستەنگی ژیان.

ماڵپەڕی سکای نیوز دەشڵێت، بەفر بارینەکەی ئەردەن هاوکاتە لەگەڵ دابەزینێکی بەرچاوی پلەکانی گەرما لەو وڵاتە.

ژووری فریاگوزاری ئەردەن باسی لەوەکردووە، لە هەوڵی بەردەوامدان بۆ پاککردنەوەی رێگاکان و ئاسانکردنی ژیانی هاوڵاتیان، هاوکات، لایەنە پەیوەندیدارەکان هۆشیاری دەدەنە هاوڵاتیان لە خلیسک بوونی رێگاکان و مەترسی زیادبوونی رووداوەکانی هاتوچۆ.

بالصور.. الثلوج تكسو الأردن وفلسطين | سكاي نيوز عربية

الثلوج تكسو مدن الأردن وفلسطين- فيديو وصور-مباشر بلس













گەلەری