کەشناسی هەرێم دەڵێت، لە ئەمڕۆ پێنجشەممەوە شەپۆلێکی باران و بەفر بارین سەنتەری بەشێک لە شار و پارێزگاکانی هەرێم دەگرێتەوە.
بەڕێوەبەرایەتی کەشناسی هەرێم رایگەیاند، لە هەولێر لە ئەمڕۆدا بەفر و باران دەبارێت، دەشڵێت، ئەمڕۆ نزمترین پلەی گەرمای تۆمارکراو ٧ پلەی سیلیزی و بەرزترین پلەی گەرمای پێشبینیکراو ١٢ پلەی سیلیزییە.
باسی لەوەشکردووە، لە ئەمڕۆدا لە سلێمانی لە ناوچە شاخاوییەکان
باران و بەفر دەبارێت و لە ئێوارەشدا بەفر لە سەنتەری پارێزگاکە دەبارێت، دەشڵێت،
ئەمڕۆ نزمترین پلەی گەرمای تۆمارکراو ٦ پلە و بەرزترین پلەی گەرمای پێشبینیکراو
٨ پلەی سیلیزییە.
وتووشییەتی، لە ئەمڕۆ لە دهۆک لە ناوچە شاخاوییەکان
باران و بەفر دەبارێت و لە ئێوارەشدا بەفر لە سەنتەری پارێزگاکە دەبارێت، دەشڵێت،
ئەمڕۆ نزمترین پلەی گەرمای تۆمارکراو ٦ پلەی سیلیزی و بەرزترین پلەی گەرمای پێشبینیکراو
٤ پلەی سیلیزییە.
راشیگەیاندووە، لە ئەمڕۆدا لە هەڵەبجە لە ناوچە شاخاوییەکان
باران و بەفر دەبارێت و لە ئێوارەشدا بەفر لە سەنتەری پارێزگاکە دەبارێت، دەشڵێت،
ئەمڕۆ نزمترین پلەی گەرمای تۆمارکراو ٥ پلەی سیلیزی و بەرزترین پلەی گەرمای پێشبینیکراو
٨ پلەی سیلیزییە.
ئەوەشی خستووەتەڕوو، لە کەرکوک لە ئەمڕۆدا باران دەبارێت،
دەشڵێت، ئەمڕۆ نزمترین پلەی گەرمای تۆمارکراو ٨ پلەی سیلیزی و بەرزترین پلەی گەرمای
پێشبینیکراو ١٤ پلەی سیلیزییە.
بەگوێرەی کەشناسی هەرێم، لە دواى نیوەڕۆی رۆژى هەینى کاریگەرى
ئەم شەپۆلە کۆتاىی دێت.