سەردێڕ:

لە کەرکوک ئۆپراسیۆنێکی سەربازیی لە دژی داعش دەستیپێکرد و ١٠ رۆژ دەخایەنێت

PM:12:20:28/07/2021

1108 جار خوێندراوەتەوە

لە باشوور و رۆژئاوای کەرکوک ئۆپەراسیۆنی سەربازیی لە دژی داعش دەستیپێکرد و پەیامنێری ئێن ئاڕ تیش رایگەیاند، ئۆپەراسیۆنەکە ماوەی ١٠ رۆژ دەخایەنێت.


بەرپرسانی سوپای عێراق دەڵێن، ئامانجی ئۆپەراسیۆنەکە گەڕانە بە سنوورەکانی ریاز و حەویجە و داقوق کە چەکدارانی داعش لەو ناوچانە بوونیان هەیە.

هەر بەپێی زانیارییەکان، ئۆپراسیۆنەکە لە چوار میحوەرەوە لە باشور و رۆژئاوای کەرکوک دەستیپێکردووە و بە دوای بنکە شاراوەکانی داعشدا دەگەڕێت.

لە ئۆپراسیۆنەکەدا هێزەکانی سوپای عێراق بە دوو لیوا و فیرقەیەکی هێزەکانی پۆلیسی فیدراڵی و هێزەکانی بەرپەرچدانەوەی خێرا و بەشێک لە هێزەکانی حەشدی شەعبی و حەشدی عەشائیری بەشدارن.

سۆران محەمەد، کەرکوک








گەلەری