کەشناسێکی عێراقی رایگەیاند، ئەمڕۆ ئەو شەپۆلە گەرمییەی لە ماوەی رابردوودا رووی لە وڵات کردبوو کۆتایی پێدێت و پلەکانی گەرما دەست بە نزمبوونەوەدەکەن. دەشڵێت، "لە رۆژی پێنجشەممەوە پلەکانی گەرما پێنج پلەی سیلیزی نزمدەبنەوە".
ئەمڕۆ سێشەممە، واسق سەلامی کەشناسی عێراقی
رایگەیاند، رۆژی چوارشەممە پلەکانی گەرمی دەست بە نزمبوونەوە دەکەن و لە ئەمڕۆوە
ئەو شەپۆلە گەرمایەی لە ماوەی رابردوو رووی لە وڵات کردبوو کۆتایی پێدێت.
ئەوەشی خستووەتەڕوو، پێشبینیدەکرێت ئەمڕۆ پلەکانی
گەرما لە هەولێر ٤٤ پلە و لە سلێمانی ٤١ پلە و لە دهۆک ٤١ پلە و لە کەرکوک ٤٦ پلە و لە بەغداد ٤٩
پلەبێت. دەشڵێت، پلەکانی گەرمی لە زیقار دەگاتە ٥٢ پلە، بەمەش گەرمترین ناوچەدەبێت
لە عێراقدا.
ئەو کەشناسە ئاماژەی بەوەشدا، لە هەرێم
پلەکانی گەرمی دەچنەوە دۆخی ئاسایی خۆیان و دواتر لە هەریەک لە خۆرئاوا و ناوەڕاست
و فوڕات و باشوری عێراق پلەکانی گەرما دەست بە نزمبوونەوەدەکەن.
واسق سەلامی باسی
لەوەشکرد، لە رۆژی پێنجشەممەوە پلەکانی گەرما پێنج پلەی سیلیزی دادەبەزن و ئاراستەی
باش لە سەرتاسەری وڵاتدا دەگۆڕێت بۆ باکوری خۆرئاوا.
ئەمە
لەکاتێکدایە، ئاراس جەبار شارەزای کەشناسی لە هەرێم رایگەیاند، "لە ئەنجامی کاریگەری
نزمە پاڵەپەستۆیەکی باراناوی لەسەر ناوچەکانی کوردستانی باکور و رۆژھەڵات پێشبینی دەکەین
سەرەتای ھەفتەی ئایندە لەرۆژانی ١ی ئاب تاوەکو ٤ی ئاب، شەپۆلێکی تاو تاوی بارانبارین
و ھەورە تریشقە بەرێژەی جیاجیا بەشێکی ناوچەکانی ھەرێمی کوردستان بگرێتەوە".
ئاماژەی بەوەکردووە،
شەپۆلەکە بەتایبەت کاریگەری لەسەر ناوچە شاخاویی و سنوریەکانی پارێزگای ھەولێر و ئیدارەی
راپەرین و دھۆک دەبێت، بەھۆی نزیکی ئەو ناوچانە لە سنورەکانی باکور و رۆژھەڵاتی نزمە
پاڵەپەستۆکەوە.
ئەو شارەزای کەشناسییە
دەشڵێت، بەگشتی بۆ ناوچەکانی باشوری ھەرێم وەک سنوری پارێزگای سلێمانی و گەرمیان و
کەرکوک و ھەڵەبجە تا ئێستا دەرنەکەوتووە لەو ناوچانەدا کاریگەری دەبێت بەشێوەی بارانبارین،
بەڵام لەگەڵ نزیکبوونەوەی زیاتر گۆرانکاریەکان دڵخۆشکەر دەبن و کاریگەری ئەو نزمە پاڵەپەستۆیە
درێژ دەبێتەوە بۆ ناوچە نزمەکان و ئەو سنورانەش .
زیاتر لە مانگێکە
شەپۆلێکی گەرما عێراق و هەرێمی گرتووەتەوە و لە هەندێک ناوچەشدا پلەکانی گەرما گەیشتوونەتە
سەرو ٥٠ پلەی سیلیزی.