سەردێڕ:

شەپۆلێکی نوێی بەفر و باران روو لە هەرێمی کوردستان دەکات

PM:12:22:08/12/2021

45972 جار خوێندراوەتەوە

کەشناسی ھەرێم رایگەیاند، لە کاتەکانی ئێوارەدا باران لە ناوچە جیاجیاکان دەبارێت و لەکاتەکانی درەنگانی شەودا لەناوچە شاخاوییە سنورییەکاندا بەفر دەبارێت.


ئەمڕۆ چوارشەممە، بەڕێوەبەرایەتی گشتی کەشناسی و بومەلەرزەزانی هەرێم راگەیەنراوێکی بڵاوکردەوە و تیایدا هاتووە، ئاسمان نیمچە هەوردەبێت، دواتر دەگۆڕێت بۆ هەوری تەواو و لە ئێوارە و شەودا هەندی ناوچە نمەباران دەبێت. دەشڵێت، لەکاتەکانی درەنگانی شەودا بارانبارین لە زۆربەی ناوچەکان دەبێت و لە ناوچە شاخاوییە سنورییەکان بەفر دەبارێت.
راگەیەنراوەکە لەبارەی پێشبینییەکانی کەشوھەوای سبەینێ پێنجشەممەوە ئاماژەی بەوەدا، ئاسمان لەکاتەکانی بەیانی زوودا ھەور و نمەباران دەبێت و لە ناوچە شاخاوییەکان باران زیاتردەبێت و لە پارێزگای ھەڵەبجە لەناوچە شاخاوییە سنورییەکان بەفردەبارێت.
دەشڵێت، لەکاتەکانی ئێوارەدا ئاسمانی ھەرێم دەگۆڕیت بۆ نیمچەھەور.
ئەمە لەکاتێکدایە، دوێنێ کەشناسی ھەرێم رایگەیاند،  "سبەینێ لە کاتەکانی ئێوارەدا باران لە ناوچە جیاجیاکان دەبارێت و لەناوچەشاخاوییە سنورییەکان بەفر دەبارێت".
لەبارەی رێژەی باران بارینیشەوە، ئاستی دابارین لە ناوچە شاخاوییەکان مامناوەند دەبێت لە ھەندێ ناوچەی تر نمە باران دەبێت.
ھەروەھا، لەبارەی کاتی کۆتایھاتنی باران بارینەوە، کەشناسی ھەرێم پێشبینی کردووە رۆژی پێنج شەممە لە کاتەکانی نیوەڕۆ کۆتای بە باران بارین بێت.












گەلەری