سەردێڕ:

لەم شارەدا؛ دەنگێکی بەهێز بیسترا

PM:03:19:29/11/2021

59872 جار خوێندراوەتەوە

پاش نیوەڕۆی ئەمڕۆ، لە سنووری ئیدارەی زاخۆ دەنگێکی بەهێز بیسترا.


بەگوێرەی زانیارییەکانی پەیامنێری ئێن ئاڕ تی، دەنگە بەهێزەکە بەهۆی تەقینەوەی کارگەیەک بووە لە ناوچە سنوورییەکانی نێوان هەرێم و باکوری کوردستان.

لەو بارەیەوە، چاوگێک بە ئێن ئاڕ تی وت، کارگەیەکی خەڵوز لە گوندی گتەی سەر سنووری باکوری کوردستان و هەرێمی کوردستان تەقیوەتەوە و کارگەکە زیانێکی زۆری ماددی بەرکەوتووە.

بەگوێرەی چاوگەکە، لە ماوەی رابردوودا چەند جارێک دەنگی بەهێز لە کارگەکانی ئەو ناوچەیەوە بیستراوە، بەڵام وەک دانیشتوانی ناوچەکە دەڵێن، تەقینەوەی ئەمجارە جیاوازتر بووە و بەهێزتر بووە.

هاوکات، تاوەکو ئێستا لایەنە فەرمییەکان روونکردنەوەیان لەسەر رووداوەکە نەداوە و زیانەکانیان ئاشکرا نەکردووە.

وەحید سندی، زاخۆ








گەلەری