سەردێڕ:

وەزارەتی پەروەردە بڕیارێکی تایبەتی بە خوێندکارە کۆچبەرەکان دەرکرد

PM:07:37:28/11/2021

4632 جار خوێندراوەتەوە

وەزارەتی پەروەردەی حکومەتی هەرێم بڕیارێکی نوێی لەبارەی دووبارە گەڕانەوەی ئەو خوێندکارە کۆچبەرانەی لە ماوەی رابردوودا لەگەڵ خێزانەکانیان لە دەرەوەی وڵات بوون داوە و بە چەند رێکارێک دەتوانن بگەڕێنەوە بۆ خوێندن.


بەپێی بڕیارەکەی وەزارەتی پەروەردە، ئەو خوێندکارانە ئەگەر خۆیان بیانەوێت ئەو ماوەیەیان بە نەهاتوو بۆ هەژماردەکرێت و دەتوانن دەست بە خوێندن بکەنەوە.

بڕیارەکە سەرجەم قۆناغەکانی سەرەتایی و ناوەندی و دواناوەندی و پەیمانگاکانی سەر بە وەزارەتی پەروەردە دەگرێتەوە.

لەبارەی نمرەشەوە پەروەردە ئاماژەی بەوەکردووە، کە نمرە لە بڕیارێکی تایبەتدا و بەپێی رەچاوکردنی بارودۆخی خوێندکارەکان دەبێت، بەو مەرجەی بەر لە تەواوکردنی وەرزی یەکەمی خوێندن ئەو خوێندکارانە پەئیوەندی بە قوتابخانەکانیانەوە بکەن.

هـ.ئـ

No description available.







گەلەری