نێردراوی ئێن ئاڕ تی لە بیلاروسیا ڕایگەیاند، چەندین کۆچبەری کورد لە سنوری بیلاروسیا و لیتوانیا لەناو بەفردا گیریان خواردوە و داوای هاوکاری دەکەن.
پێشەوا جەبار نێردراوی ئێن ئاڕ تی لە بیلاروسیا ئاماژەی بەوەشکرد، کۆچبەرەکان لەناو بەفردا گیریان خواردووە و داوای بەهاناوەچوون دەکەن.
وتیشى، پۆلیسی بیلاروسیا و لیتوانیا رێگەی هیچ
جوڵەیەک بە کۆچبەران نادەن و ئەگەر هاوکاری نەکرێن رەنگە لە سەرما گیانلەدەست بدەن.
ئەوەش لە کاتێکدایە سەدان کۆچبەری کورد لە سنورەکانی
بیلاروسیا و پۆڵەندا لە دۆخێکی ناهەمواردا دەژین و ماوەی چەند مانگێکە ھاوڵاتییان لە رێگەی بیلاروسیاوە بەرەو وڵاتانی یەکێتی ئەوروپا کۆچ دەکەن و لە ئێستادا ژمارەیەک کۆچبەری کورد لە سنورەکانی
نێوان بیلاروسیا و لیتوانیا و پۆڵەندا دۆخێکی سەخت دەگوزەرێنن.