ئاماژەی بەوەشکردووە، "هێزە ئەمنییەکان رێنمایی پێویست کراون بەوپەڕی رێزەوە مامەڵە لەگەڵ خۆپیشاندەرە راستەقینەکاندا بکەن، بەڵام مامەڵەیەکی تر لەگەڵ کەسانی خزێنراو بۆ مەرامە گوماناوییەکان و ئەجێندا جیاجیاکان بکەن."

باسی لەوەشکردووە، "تێکدانی ئارامی و جوڵەی ژیانی خەڵک بەهیچ جۆرێک رێگەپێدراو نییە و هێڵی سورە، سەرپێچی کاران روبەڕوی توندرترین سزای یاسایی دەبنەوە"، دەشڵێت، "ئێمە هیوای زوو چاکبوونەوە بۆ سەرجەم برینداران دەخوازین."

لە پێشتریشدا، پارێزگاری سلێمانی رایگەیاند، بەتوندی ئیدانەی هەر توندوتیژییەک دەکەن و بە فەرمی فەرمان بە کەس نەکراوە بۆ بەکارهێنانی توندوتیژیی.

ماوەى سێ رۆژە خوێندکارانى زانکۆ و پەیمانگاکان بۆ داواکردنى پێدانى دەرماڵە گردبوونەوە و خۆپیشاندان ئەنجام دەدەن و دوێنێ بۆ بڵاوەپێکردنى خوێندکاران هێزە ئەمنییەکان دارى کارەبایى و گازى فرمێسکڕێژیان بەکارهێنا و بەو هۆیەوە چەند خوێندکارێک بریندار بوون.

ئەمڕۆش، هێزە ئەمنییەکان نەک تەنها گازی فرمێسک رێژ، بەڵکو تەقەیان بەسەر خوێندکارانیشدا کرد لە سلێمانی و لە دهۆکیش بە زەبری هێز بڵاوە بە خۆپیشاندەران کرا.

هەر ئەمڕۆش، لە هەریەکە لە زانکۆکانی، سلێمانی، پۆلیتەکنیکی سلێمانی، هەڵەبجە و راپەڕین دەوامی خوێندکاران بۆ ماوەی دوو رۆژ راگیرا و بەشە ناوخۆییەکان داخران.