ماوەی سێ رۆژە خۆپیشاندانی خوێندکارانی هەرێم بۆ داواکردنی دەرماڵەی خوێندن دەستیپێکردووە و بەشێوەیەکی فراوان سەرجەم شارەکانی گرتووەتەوە، کە تیایدا خوێندکاران رێگای نێوان بەشێکی شارەکانی هەرێمیان داخستووە و رێگا بە هاتوچۆکردن نادەن.
لە چوارچێوە بەردەوامی خۆپیشاندانەکاندا ئەمڕۆ خوێندکارانی زانکۆ و پەیمانگاکانی سلێمانی شاڕێی سالمیان داخستووە. جگە لەوەی کاتێک نزیک مەڵبەندی یەکێتی نیشتیمانی بوونەوە، لەلایەن هیزە ئەمنییەکانەوە گازی فرمێسک رێژیان بەرامبەر بەکارهێندرا و تەقەیان بەسەردا کرا بەزۆر بڵاوەیان پێکرا، بەڵام خۆپیشاندەران لە ئێستادا دووبارە گردبوونەتەوە و بەردەوامن لە خۆپیشاندان.
خوێندکارانی زانکۆی
کۆیەش، سەرەڕای ئەوەی لە بڵندگۆی بەشەناوخۆییەکانیانەوە هەڕەشەیان لێدەکرا
خۆپیشاندان ئەنجامنەدەن، بەڵام ئەمڕۆش هاتوونەتە سەرشەقام و رێگای سەرەکی
کۆیە-دوکانیان داخستووە.
لە هەڵەبجەش خوێندکاران
لە بەردەم زانکۆکەیاندا خۆپیشاندان دەکەن و دەرگای زنکۆکەیان داخستووە و رێگانادەن
مامۆستایانی زانکۆ و فەرمانبەرانیش بچنە زانکۆکەوە و بەشێکی مامۆستایانیش پاڵپشتی
خوێندکارانن.
جگە لەوەش، خوێندکارانی زانکۆی چەرمو، ئەمڕۆ رێگای سەرەکی
سلێمانی-کەرکوکیان داخستبوو.
خوێندکارانیش لە دوکان، رێگای سەرەکی هەولێر و ئیدارەی
راپەڕین و سلێمانیان داخستبوو.
جگە لەوانەش، خوێندکاران رێگای پێنجوێن و کەلاریان داخستبوو.
لە رانیە و قەڵادزێش
خوێندکاران گردببوونەوە و رێگای سەرەکی هاتوچۆی قەڵادزێ و رانیە، لەگەڵ رانیە-
چوارقوڕنەیان گرتبوو.
لە دهۆکیش خوێندکارانی
زانکۆ هاتنە سەرشەقام و دەستیان بە گردتبوونەوە کرد، بەڵام رێگری لە تیمی ئێن ئاڕ
تی کرا لە پەخشکردن بەردەوام بێت و بە زەبری هێز بڵاوە بە خۆپیشاندەران کرا.
لە هەولێریش خوێندکارانی
زانکۆی سەڵاحەدین لە بەردەم وەزارەتی خوێندنی باڵا گردبوونەتەوە و بەردەوامن لەسەر
داواکردنی مافەکانیان.
بەمانەش ئاستەنگی هاتوچۆ بۆ هاوڵاتیان دروستبووە و ئیش و
کاری بەشێکی هاوڵاتیان پەکی کەوتووە.
ماوەى سێ رۆژە خوێندکارانى زانکۆ و پەیمانگاکان بۆ
داواکردنى پێدانى دەرماڵە گردبوونەوە و خۆپیشاندان ئەنجام دەدەن و دوێنێ بۆ بڵاوەپێکردنى
خوێندکاران هێزە ئەمنییەکان دارى کارەبایى و گازى فرمێسکڕێژیان بەکارهێنا و بەو هۆیەوە
چەند خوێندکارێک بریندار بوون. ئەمڕۆش سەرەڕای گازی فرمێسک رێژ، تەقە بەسەر
خۆپیشاندەراندا کرا.
هـ.ئـ