سەردێڕ:

کەشناسى عێراق:بارانبارین دەستپێدەکات

AM:11:42:23/11/2021

40548 جار خوێندراوەتەوە

دەستەى کەشناسى عێراق رایگەیاند "پێشبینى دەکرێت پلەکانى گەرما لە هەرێمى کوردستان دابەزن و بارانیش ببارێت".


ئەمڕۆ سێشەممە، دەستەى کەشناسى عێراق لە راگەیەندراوێکدا پێشبینییەکانى بۆ کەشوهەواى رۆژانى داهاتوى شارەکان راگەیاند و پێشبینى دەکات لەگەڵ نزمبوونەوەى پلەکانى گەرمادا بارانیش ببارێت.

بەگوێرەى راگەیەندراوەکە پێشبینى دەکرێت سبەینێ چوارشەممە ئاسمانى ناوچەکانى ناوەڕاست و هەرێمى کوردستان هەور بێت و لە ناوەڕاست و باشورى عێراق گۆڕانکاریى بەسەر پلەکانى گەرما نایەت و لەهەرێمى کوردستان پلەکانى گەرما دادەبەزن.

لە راگەیەندراوەکەدا ئاماژە بەوە کراوە "پێشبینى دەکرێت رۆژى پێنجشەممە ئاسمانى ناوچەکانى ناوەڕاستى عێراق هەور بێت و لەپاشان نمە باران و بارانى بەخوڕ لە ناوچە جیاوازەکان ببارێت".

لە راگەیەندراوەکەدا روونکراوەتەوە "پێدەچێت لە ناوچەکانى باشور لە شەودا باران ببارێت و لەهەندێک شوێن نمە باران و لە هەندێک شوێنى تر بارانى بەخوڕ ببارێت".








گەلەری