پاش سکاڵای حزبەکان لە دادگای فیدڕاڵی عێراق، ئەو دادگایە وەڵامی سکاڵاکانی دایەوە و گۆڕانکاری لە هەڵبژاردنی پێنج کاندیدی پەرلەمانی عێراقدا پەسەند کرد.
دادگای فیدڕاڵی عێراق ئەنجامی سکاڵای حزبەکانی راگەیاند و تیایدا بڕیاریدا، رۆنزی زیاد سیدۆ کاندیدی یەکێتیی لە پارێزگای نەینەوا و هەرێم کەمال ئاغا کاندیدی هەمان حزب لە هەولێر هەڵبژێردرێن بۆ پەرلەمانی عێراق.
هەر بەپێی بڕیارەکانی دادگای فیدڕاڵی عێراق هەریەک لە، سادق مەدلول حەمەد کاندیدی سەربەخۆ لە پارێزگای بابل و غەریب عەسکەر کاندیدی هاوپەیمانی فەتح لە پارێزگای کەرکوک و رەفیق ساڵحی هاوپەیمانی فەیح لە پارێزگای بەسڕە هەڵبژێردران بۆ پەرلەمانی عێراق.
رۆژی ١٠ی مانگی رابردوو، هەڵبژاردنی پەرلەمانی
عێراق بەڕێوەچوو و دواتر چەند حزب و لایەنێک سکاڵایان تۆمارکرد و دادگای فیدڕاڵی
عێراق پاش بەدواداچوون و لێکۆڵینەوە بۆ سکاڵاکان وەڵامی سکاڵاکانی دایەوە.
لە هەڵبژاردنەکەدا
رەوتی سەدر زۆرترین کورسی بەدەستهێنا و بووە خاوەنی ٧٣ کورسی، لە هەرێمی کوردستانیش پارتی هێزی یەکەم و
نەوەی نوێ هێزی دووەم بوون و ئەگەر بەشداری لە هەڵبژاردنەکاندا رێژی ١٠٪ زیاتر
بووایە نەوەی نەوەی دەبووە هێزی یەکەم.