PM:03:28:18/11/2021
9528 جار خوێندراوەتەوە
نووسەر و رۆژنامەنووس بەختیار سەعید لەدواى ٢٥ رۆژ زیندانیکردن و لەپاش بڵاوکردنەوەى راپۆرتێکى ئێن ئاڕ تى، ئەمڕۆ بە کەفالەت ئازادکرا.
ئەمڕۆ پێنجشەممە، نووسەر و رۆژنامەنووس بەختیار سەعید لەدواى ٢٥ رۆژ زیندانیکردن بەهۆى بڵاوکردنەوەى دوو کتێبى هونەریى بێبەرامبەر بە ناوەندەکانى خوێندن و ناوەندە هونەرییەکان، ئازادکرا.
رۆژى ٢٥ى تشرینى یەکەمى ٢٠٢١ لەسەر سکاڵایەکى
بەڕێوبەرایەتى هونەرى شێوەکارى سلێمانى و بەهۆى نەپاراستنى مافى لەچاپدانەوەى
هەردوو کوراسەى شێوەکارى هونەرمەندان (ئازاد شەوقى و بەدیع باباجان) و دابەشکردنى
کوراسەکان بەبێبەرامبەر نووسەر و رۆژنامەنووس بەختیار سەعید دەستگیرکرا.
لەکاتى دەستگیرکردنەکەیدا کەناڵى ئێن ئاڕ تى
راپۆرتێکى لەبارەوە بڵاوکردەوە و دواتر لەنێو تۆڕە کۆمەڵایەتییەکان هەڵمەتێکى
بەرفراوان بۆ ئازادکردنى ئەنجامدرا.