PM:09:38:16/11/2021
3452 جار خوێندراوەتەوە
بەگوێرەی وتەی وەزارەتی تەندروستی میسر، لە ئاکامی پیکدادانی نێوان شەمەندەفەر و ئۆتۆمبێلێکی بارهەڵگردا لە شاری گیزە دوو کەس گیانیان لەدەستدا و سێ کەسیش برینداربوون.
حسام عەبدول غەفار وتەبێژی وەزارەتی تەندروستی میسر رایگەیاند، رووداوەکە لە ناوچەی یەکتربڕی رێگەی شەمەندەفەر لە شاری گیزە روویداوە و پاش رووداوەکە برینداران بۆ نەخۆشخانەی وێستگەی شەمەندەفەرەکە گواستراونەتەوە.
وتەبێژەکەی وەزارەتی تەندروستی باسی لەوەشکردووە، ئەو
دوو کەسەی گیانیان لەدەستداوە دوو گەنجی تەمەن ٢٥ ساڵ بوون و بریندارەکان تەمەنیان
٢٨ و ٣٢ و ٥٢ ساڵ بووە.
لەبارەی رووداوەکەوە ئەوەشی باسکردووە، برینی بریندارەکان
بریتیبوون لە شکانی شەویلگەکانی سەرەوە و خوارەوە و شکانی قاچ و حەوز.