بڕیارە ناوەڕاستى هەفتەی داهاتوو لیژنەى باڵاى روبەڕوبوونەوەى کۆرۆنا لە هەرێم كۆبێتەوە و بڕیار و رێكاری نوێ دەربكات.
چاوگێک بە ئێن ئاڕ تى راگەیاند، دواى نزیکەى دوو مانگ جارێکى دیکە لیژنەى
باڵاى روبەڕوبوونەوەى کۆرۆنا لە هەرێم کۆدەبێتەوە و رێکارى نوێ بۆ رێگریی لە بڵاوبوونەوەى
ڤایرۆسى کۆرۆنا دەربکات.
ئەوەش لەکاتێکدایە، بەبیانووى باشبوونى دۆخى تەندروستى هەرێم و کەمبوونەوەى
رێژەى توشبووانى کۆرۆنا، نزیکەى دوو مانگە لیژنەى باڵاى روبەڕوبوونەوەى کۆرۆنا لە
هەرێم کۆنەبوونەتەوە.
پێشتریش بڕیارەکانى لیژنەکە گرفتى زۆرى بۆ کاسبکاران و بژێوی هاوڵاتیان
دروستکردبوو و هاوشێوەى بەشێکى زۆر لە وڵاتانى جیهان زیانلێکەوتووان قەرەبوو نەکراونەتەوە.