وەزارەتى دارایى و ئابورى حکومەتى هەرێمى کوردستان لەدابەشکردنى مووچەى فەرمانبەران بەردەوامە و لەو چوارچێوەیەدا سبەینێ یەکشەممە مووچەى چەند شوێنێک دابەش دەکرێت.
چاوگێک لە وەزارەتى دارایى و ئابورى حکومەتى هەرێمى کوردستان بە ئێن ئاڕ تى راگەیاند "سبەى یەکشەممە (٧ی تشرینی دووەمى ٢٠٢١) مووچەی، ئەنجوومەنی ئاسایش، خانەنشتنی پێشمەرگە و دەزگای ئاسایشی گشتی دابەش دەکرێت".
لە رۆژى ٢٥ى تشرینى یەکەمى ٢٠٢١ەوە لەلایەن وەزارەتى
دارایى و ئابورى حکومەتى هەرێمى کوردستان دابەشکردنى مووچەى مانگى تشرینى یەکەم دەستیپێکرد
و وەزارەتى تەندروستى وەک یەکەم وەزارەت مووچەى وەرگرت.
دوابەدواى ئەوەش وەزارەتى وەزارەتى پێشمەرگە و وەزارەتى
پەروەردە مووچەیان وەرگرت و تا ئێستاش زۆرێک لە وەزارەتەکان مووچەیان وەرنەگرتووە.
ئەمە لەکاتێکدایە، دەستپێکردنی دابەشکردنی مووچە
لەلایەن حکومەتی ھەرێمەوە ھاوکات بوو لەگەڵ رەزامەندی حکومەتی عێراق لەسەر ناردنی
٢٠٠ ملیارەکەی بەغدا بۆ ھەرێمی کوردستان.