سەکۆی "بیناس" سەرجەم پرۆسەکان مامەڵەکانی پارەدانان و پارە راکێشانی بەشێوەیەکی راستەوخۆ لەلایەن بانکەکانی عێراق و ئێران و ئەفغانستان و چەند وڵاتێکی دیکەی عەرەبی و جیهانی راگرت.
ئەمڕۆ پێنجشەممە، سەکۆی "بیناس" رایگەیاند، هەریەک لە وڵاتەکانی عێراق و ئێران و لوبنان و لیبیا و ئەفغانستان و بەڕازیل و کۆریای باکور و چەند وڵاتێکی دیکەی عەرەبی و جیهانی سەرجەم مامەڵە بانکییەکانی بە دراوی دۆلار لە دانان و راکێشانی پارە راگرت.
ئاماژەی بەوەشداوە، ژمارەی ئەو وڵاتانەی
ناتوانن مامەڵە داراییەکانیان لە کۆمەڵەی پەیوەندییەکانی دارایی جیهانی لە نێوان
بانکەکەکاندا SWIFT ئەنجام بدەن زیاتر لە ٦٠ وڵاتە لە خۆرهەڵاتی ناوەڕاست و باکوری ئەفریقا
و چەند وڵاتێکی دیکەی جیهانی.
سەکۆی "بیناس" ئاشکرای کردووە، بڕیارەکە
لە ١٩ی ئەم مانگەوە دەچێتە بواری جێبەجێکردنەوە و هیچ روونکردنەوەیەکیشی لەبارەی
گرتنە بەری ئەم هەنگاوە ئاشکرا نەکردووە.
گرتنەبەری ئەم رێوشوێنە بەواتای ئەوەدێت، کە وەبەرهێنەران
لە بواری دراوە ئەلیکترۆنییەکان ناتوانن لەسەکۆی بیناسەوە ئاڵوگۆڕی دراو و دانانی
دۆلار و راکێشانی دۆلار لە بانکە جیهانییەکان و مامەڵەی کڕین و فرۆشتن لە هەژمارە
بانکییەکانیان ئەنجام بدەن.
بیناس، یەکێکە لەگەورەترین بازاڕەکانی ئاڵوگۆڕی
دراو بەشێوەی ئەلیکترۆنی لە جیهاندا و ساڵی ٢٠١٧ دامەزراوە و بەگوێرەی راپۆرتێکی
ماڵپەڕی فۆربس خۆرهەڵاتی ناوەڕاست لە ساڵی ٢٠٢٠بە باشترین بازاڕی ئاڵوگۆڕی دراوە ئەلیکترۆنییەکانی
لە جیهاندا دانا.
کـ ، ئـ