سەردێڕ:

فراکسیۆنێکی سەربەخۆ بۆ پەرلەمانی عێراق پێکهێنرا

PM:09:06:03/11/2021

3000 جار خوێندراوەتەوە

چەند کاندیدێکی سەرکەوتووی سەربەخۆى پەرلەمانی عێراق فراکسیۆنێکیان بەناوی فراکسیۆنی میللی سەربەخۆ پێکهێنا و محەمەد عەنوز بە سەرۆك و سەجاد سالم بە وتەبێژ دەستنیشانکرد.


فراکسیۆنەکە راگەیەنراوێکی لەو بارەیەوە بڵاوکردەوە و تیایدا هاتووە ،''لەنێوان چەند کاندیدێکی سەربەخۆی دەرچوودا رێککەوتن لەسەر پێکهێنانی فراکسیۆنی میللی سەربەخۆ، کراوە".

ئاماژەی بەوەشکردووە، ئەو فراکسیۆنە دەرگای کراوەیە بۆ هەموو فراکسیۆن و ئەو کەسانەی کە دەرچووی هەڵبژاردنەکەن بەرەچاوکردنى ئینتیمای نەتەوەیی و مەزهەبی و ئایینی بە ئامانجی بەشداریکردن لە بڕیاڕە سیاسیەکان.

ئەوەشی خستوتەڕوو، فراکسیۆنەکە لەسەر بنەمای دەوڵەتی هاوڵاتیان دامەزراوە و دوورە لە پشک پشکێنە و چاودێرێکی سەرسەخت دەبێت و بەگژ گەندەڵیدا دەچێتەوە و بەرگری لە مافی هاوڵاتییان دەکات.

هاوکات لەبارەى فراکسیۆنەکەوە، ئوسامە کەریم بەدر نوێنەرى کۆتاى مەندائیى ئاماژەى بەوە کرد کە فراکسیۆنە سەربەخۆکە پێکهاتوون لە:سجاد سالم، محەمەد عەنوز، هادى سەلامى و باسم خەشان.

ئەمە لەکاتێکدایە، محەمەد عەنوز، بە کاندیدە هەژارەکە ناسرابوو، بە هەڵواسینی چەند پۆستەرێکی سادە کە خۆی دروستی کردوو توانی دەنگی یەکەم لە ناوچەکە بەدەستبهێنێت.








گەلەری