AM:08:19:01/11/2021
4404 جار خوێندراوەتەوە
ساڵى نوێى خوێندن لەعێراق دەستیپێکرد و زیاتر لە ١١ ملیۆن خوێندکار لە شارى بەغدا و شارەکانى تر پەیوەندى بە قوتابخانەکانیان کرد.
ئەمڕۆ دووشەممە، ساڵى نوێى خوێندنى ٢٠٢١-٢٠٢٢ لە وڵاتى عێراق دەستیپێکرد و زیاتر لە ١١ ملیۆن خوێندکار پەیوەندى بە قوتابخانەکانیان کرد و بەگوێرەى بڕیارى وەزارەتى پەروەردەى عێراق لە هەفتەیەکدا چوار رۆژ دەواى ناو پۆل دەکرێت و دوو رۆژیش بەشێوەى ئەلیکترۆنى و پشووى رۆژانى شەممەش هەڵوەشێنرایەوە.
حەیدەر فاروق
وتەبێژى وەزارەتى پەروەردەى عێراق لە لێدوانێکدا بە رۆژنامەى سەباحى فەرمى
راگەیاند"١١ ملیۆن و ٦٥ هەزار خوێندکارلە قوتابخانە و پەیمانگەى هونەرەجوانەکان و پەروەردەى پیشەیى دەستیان کرد
بە دەوامکردنى ساڵى نوێى خوێندنى ٢٠٢١-٢٠٢٢ لە سەرتاسەرى عێراق جگە لە هەرێمى
کوردستان".
ئاماژەى بەوەش
کرد "وەزارەتى پەروەردە هەماهەنگییەکى باشى لەگەڵ وەزارەتى تەندروستى کردووە
لەپێناو بەرزکردنەوەى هۆشیارى تەندروستى خوێندکاران تایبەت بە ڤایرۆسى کۆرۆنا و
خۆپارێزیکردن لەپێناوى بەردەوامبوونى خوێندنى ناو پۆل".