ماریۆ دراغی سەرۆک وەزیرانی ئیتاڵیا ڕایگەیاند، کۆبونەوەی ئەمجارەی گروپەکە دەبێتە روناکییەک پاش ئەو پەرتەوازەیی و کەرەنتینەیەى کە بەهۆی کۆرۆناوە دروست بوو.

ئەمەش لەکاتێکدایە سەرکردەی هەریەک لە وڵاتانی، روسیا و سعودیە و چین و ژاپۆن ئامادەی کۆبونەوەکە نابن بەڵام بەشێوەیەکی ئۆنلاین بەشداری دەکەن.

بیرۆكەی درووستبوونی لوتكەی بیست بۆ ساڵی ١٩٧٦ دەگەڕێتەوە، كە سەرەتا تەنیا ٧ وڵاتی پیشەسازی لەخۆ دەگرت ئەوانیش فەرەنسا ، ئەڵمانیا ، ئیتالیا ، كەنەدا، یابان ، بەریتانیا و وڵاتە یەكگرتووەكانی ئەمەریكا بوون، ئەوكات بەناوی گرووپی ٧ ناسرا بوو، دواتر رووسیاش هاتە ناو كۆمەڵەكە و بوو بە گروپى (جى ٨).

لەساڵی ١٩٩٩ ، لەپەراوێزی كۆبوونەوەی لوتكەی (جى ٨) لە واشنتۆن، بەئامانجی بەهێزكردنی سەقامگیری دارایی نێودەوڵەتی و دۆزینەوەی دەرفەتی گفتوگۆ لەنێوان وڵاتانی پیشەسازی و وڵاتە تازە پێگەیشتووەكاندا گروپی بیست دامەزرێنرا .

گرووپەكە لە ٢٠ دەوڵەت پێكدێت كە بریتین : وڵاتە یەكگرتووەكانی ئەمەریكا ، كەنەدا ، مەكسیك ، بەرازیل ، ئەرجەنتین ، فەرەنسا ، بەریتانیا ، ئەڵمانیا ، ئیتاڵیا ، باشووری ئەفریقیا ، توركیا ، رووسیا ، چین ، یابان ، كۆریای باشوور ، هیندستان ،سعودییە ، ئوسترالیا، یەكێتی ئەوروپا .

گرووپی ٢٠ نزیكەی ٦٦% ژمارەی دانیشتووانی جیهان و ٧٥% بازرگانی نێودەوڵەتی و ٨٠% وەبەرهێنانی جیهانی و ٨٥% تێكڕای بەرهەمی جیهانی پێكدەهێنن .