بانکى ناوەندى عێراق بۆ زیاتر جێگیرکردنى نرخى دۆلار، فرۆشى دۆلارى بۆ زیاتر لە ١٨٣ ملیۆن دۆلار بەرزکردەوە.
ئەمڕۆ سێشەممە، بانکى ناوەندى عێراق بەرێژەى ٧٧,٦٧% فڕۆشى دۆلارى بەرزکردەوە و گەیشتە ١٨٣ ملیۆن و ٥١٣ هەزار و ٥٧٢ دۆلار.
بەگوێرەى راگەیەندراوى بانکەکەش هەر دۆلارێک بە
١٤٦٠ دینار فڕۆشراوە.
لە راگەیەندراوەکەدا روونکراوەتەوە، بانکى
ناوەندى لەو بڕە پارەیە ١٣٤ ملیۆن و ٤٣٣ هەزار و ٥٧٢ دۆلارى بەشێوەى حەواڵە
فڕۆشتووە و ٤٩ ملیۆن و ٨٠ هەزار دۆلارى ترى بەشێوەى فڕۆشتنى راستەوخۆى نەقدى
فرۆشتووە.
ساڵی رابردوو، حکومەتى عێراق گۆڕانکاری کرد لە
بڕ و نرخی فرۆشتنی دۆلاردا و نرخی خستنەڕوی لە ١١٨ ھەزاردینارەوە بەرزکردەوە بۆ
١٤٥ ھەزار دینار.