زاناکان توێژینەوەیەکیان لە گۆڤاری برەینی زانستی بڵاوکردەوە و تیایدا باس لە کات و قۆناغەکانی خەو دەکەن و ئاماژەیان بەوەکردووە، خەوتن بە دروستی بۆ پاراستنی تەندروستی مێشك و رێگریکردن لە چەند نەخۆشییەکی وەکو زەهایمەر و پەککەوتنی سێکسی و شەکرە پێویستە.
شارەزایان توێژینەوەکەیان لەسەر ١٠٠ کەس ئەنجامداوە بە ئامانجی دیاریکردنی کاریگەری کاتەکانی خەو لەسەر مێشكی مرۆڤدا و ئاماژەیان بەوەکردووە، ئەو کەسانەی کەمتر لە شەش کاتژمێر دەخەون دەرکەوتووە ئەگەری توشبوونیان بە نەخۆشی زەهایمەری پێشوەختە هەیە.
ئەوەشیان خستووەتەڕوو،
ئەوانەشی کە رۆژانە پێنج کاتژمێر دەخەون دووچاری لەبیرچوونەوەی زانیاری (مەعریفە)
و زەهایمەر و گرفتی تەندروستی سێکسی دەبنەوە.
بەپێی
توێژینەوەکە، پێویستە کەسانی پێگەیشتوو رۆژانە ٨ بۆ ١٠ کاتژمێر و خوێندکاران لە نێوان
٩ بۆ ١٢ کاتژمێر بخەون بۆ پاراستنی تەندروستی مێشك و رێگریکردن لە چەند نەخۆشییەک. تیمی توێژەران پێیان وایە، درێژی کاتی
خەویش بەتەنیا بەس نییە بۆ تەندروستی مێشك، بەڵکو خەوتن لە دۆخێکدا کە ئارامی بە جەستە
و مێشك بدات زۆر گرنگە و خەوتن چوار قۆناغ لەخۆیدەگرێت و هەر قۆناغێکیش ٩٠ خولەکی
پێویستە.
راشیانگەیاندووە،
لە قۆناغی یەکەم و دووەمدا: جەستە لە جوڵەکردن دەوەستێت، ترپەکانی دڵ کەمدەکات، هەناسە
خاودەبێتەوە، پلەی گەرمی جەستە دادەبەزێت و جوڵەی چاو نامێنیت.
لە قۆناغی سێیەم
و چوارەمدا: جەستە دەچێتە خەویکی قوڵەوە، خانە ماندووەکانی مێشك پشوودەدەن، جوڵەی
چاوەکان خێرادەبێت و خەو بینین دەستپێدەکات.
زانایان ئەوەیان
ئاشکراکردووە، هەرکاتیک مرۆڤ بەبەردەوامی نەگەیشتە قۆناغەکانی کۆتایی دوچاری
لاوازبوونی بیرەوەری نەخۆشیەکانی دڵ دەبێتەوە و لەوانەشە ببێتەهۆی مردنی پێشوەختە،
یاخود لە تەمەنی لاویدا گرفتی تەندروستی بۆ دروستببێت ئان گیان لەدەست بدات.