وەزارەتی پەروەردەی عێراق بڕیاریدا، لە هەفتەیەکدا شەش رۆژ دەوام بکرێت و دەبێت لەو شەش رۆژەش چواریان لەناو کەمپەسدا بێت و دووانیان بە ئەلیکترۆنی دەبێت.
وەزارەتی پەروەردەی عێراق لە نوسراوێکدا ئاماژەی بەوەکردووە، دەبێت رۆژی ١ی تشرینی دووەمی ئەمساڵ دەوامی خوێندنگاکان دەستپێبکاتەوە.
باسی لەوەشكردووە،
پشووی رۆژانی شەممە هەڵبوەشێتەوە و لە هەفتەیەکدا چوار رۆژ دەوام لەناو خوێندگاکاندا
بکرێت و دوو رۆژیش بە ئەلیکترۆنی بێت.
ئەوەشی خستووەتەڕوو،
ئەو خوێندکارانەی دووچار نەخۆشی شێرپەنجە بوون، دوای پێشکەشکردنی راپۆرتەکەیان و پەسەندکردنی،
دەتوانن تەنیا بەشداری تاقیکردنەوەی کۆتایی ساڵ بکەن.
ئەمەش لەکاتێکدایە، چەند جارێک عێراق دەستپێکردنەوەی
خوێندنی دواخستووە بەهۆی بەڕێوەچوونی هەڵبژاردنەکان و نەبوونی پلانێکی تۆکمە بۆ رێگەگرتن
لە بڵاوبوونەوەی ڤایرۆسی کۆرۆنا لە کاتی کردنەوەی دەوامدا.