تەلەفیزیۆنی سی سی تیڤی فەرمی حکومەتی چین و لە تۆڕە کۆمەڵایەتییەکانیش چەند گرتەیەکی ڤیدیۆیی بڵاوکراونەتەوە کە ساتی رودانی تەقینەوەکە لەلایەن کامێراکانی چاودێرییەوە تۆمار کراون و بەشێکیش لە گرتە ڤیدیۆییەکان پاشماوەی رووداوەکە و قەبارەی زیانە مادییەکان دەردەخەن.

لە یەکێک لە گرتە ڤیدیۆییەکاندا کە کامێرای ناو ئۆتۆمبێلێک ساتی رووداوەکەی تۆمار کردووە، تیایدا دەردەکەوێت لە بەشی پێشەوەی باڵەخانەیەک و لە نهۆمی زەمینییەکەی تەقینەوەیەک روودەدات و دوکەڵ و تەپوتۆز فڕێدەداتە سەر شەقامەکە.

رۆژنامەی فەرمی زمانحاڵی پارتی کۆمۆنیستی دەسەڵاتدار بڵاویکردەوە، تیمەکانی فریاگوزاری تەرمی سێ هاوڵاتییان دۆزیەوەتە کە لە ئەنجامی رووداوەکەوە گیانیانلەدەستداوە.

لێکۆڵینەوە سەرەتاییەکان دەریانخستووە پێدەچێت لەبنەڕەتدا سیستمی غازی یەکێک لە باڵەخانەکانی تەنیشت چێشتخانەکە تەقیبێتەوە.

ئەمە لەکاتێکدایە، لە مانگی تەمووزی رابردوو، لە ئەنجامی تەقینەوەی بۆری غازیناوچەیەکی نیشتەجێبوون لە هەرێمی هوبای لە چین ٢٥ کەس گیانیانلەدەستدا و بەهۆی رووداوەکەشەوە هەشت کەس و سەرۆکی ئەو کۆمپانیایەی بەرپرس بوو لە خزمەتگوزاری هێڵی غازی ناوچەکە لەسەر پشتگوێخستنی ئەرکەکانیان دەستگیرکران.

Una fuerte explosión se dio este jueves en la ciudad china de Shenyang, en la provincia de Liaoning, dejando tres personas fallecidas y al menos 30 heridos. pic.twitter.com/RoXKB8f9kf

— UnsionTV (@UNSIONTV) October 21, 2021