وەزارەتی بازرگانی و پیشەسازی هەرێم رایگەیاند، بەشی پێنجەمی چەکی بانکی گەنمی جوتیاران دابەشدەکرێت.
نەوزاد کامیل بەڕێوەبەری گشتی بازرگانی لە وەزارەتی بازرگانی و پیشەسازی هەرێم رایگەیاند، ئەمڕۆ سێشەممە چەکی بانکی بەشی پێنجەمی شایستەی دارایی جوتیارانی هەرێم گەیشتووە.
دابەشکردنی پارەکە بەسەر پارێزگاکاندا بەم جۆرەیە:
سلێمانی: بڕی یەک ملیار و ١٩٠ ملیۆن دینار.
هەولێر: ٧٦٢ ملیۆن دینار.
دهۆک: ١١٥ ملیون دینار.
لە ساڵانی رابردوودا، بەهۆی کێشەکانی نێوان هەرێم و بەغداوە
پارەی گەنمی جوتیاران بۆ چەند ساڵێک دواکەوت، بەڵام لە مانگی شوباتی ئەمساڵدا وەزارەتی
بازرگانی عێراق بڕیاری خەرجکردنی پارەکەی دەرکرد و تا ئێستا بە چەند گوژمەیەک پارە
بۆ هەرێم هاتووە.