دژى گرانبوونى بەنزین لە قەزاى دەربەندیخان بەشێک لە شۆفێران گردبوونەوە و رێگەى سەرەکى هاتووچۆى سلێمانى-دەربەندیخانیان راگرت.
پەیامنێرى ئێن ئاڕ تى لە گەرمیان رایگەیاند "ئەمڕۆ سێشەممە، دژى گرانبوونى بەنزین بەشێک لە شۆفێران لە بەردەم تونێلى دەربەندیخان گردبوونەوە و بە کوژراندنەوەى ئۆتۆمبێلەکانیان رێگەى سەرەکى هاتووچۆى ئەو قەزایە و شارى سلێمانییان راگرت".
شۆفێرێک بە ئێن ئاڕ تى راگەیاند
"گردبوونەوەکە گردبوونەوەى شۆفێرانى تاکسى ناو شار و دەرەوەى شار و هێڵەکانە
و هۆکارى گردبوونەوەکەمان گرانبوونى بەنزینە کە یەک لیتر بە ١٠٠٠ دینارە".
وتیشى "بەنزینەکە بەجۆرێک گران بووە کە
هیچ سودێکى نەماوە و ئەگەر کار بکەین دەبێت لەگیرفانى خۆمان پارەى بخەینە سەر بۆ
ئەوەى تەنها پارەى بەنزینەکە دەربهێنێتەوە".
گەرمیان حەمەى پوور، گەرمیان