PM:11:24:16/10/2021
2340 جار خوێندراوەتەوە
لیژنەی باڵای سەربەخۆی هەڵبژاردنەکانی عێراق رایگەیاند، تانەکانی هەڵبژاردن کاریگەری نەکردووەتە سەر ئەنجامی هەڵبژاردنەکان.
حەسەن سەلمان بەڕێوەبەری راگەیاندن و پەیوەندییەکانی لیژنەی باڵای هەڵبژاردنەکانی عێراق بە ئاژانسی هەواڵی عێراقی راگەیاندووە، "ئەو تانە و پەڵپانەی کە لەسەر هەڵبژاردنەکە بەرزکراونەتەوە، هیچ کاریگەرییەکیان لەسەر ئەنجامی هەڵبژاردنەکە دروستنەکردووە."
حەسەن سەلمان ئەوەشی خستوەتەڕوو، پاش راگەیاندنی ئەنجامەکان
وادەیەکی نوێ بۆ ئاڕاستەکردنی تانە و پەڵپ لەلایەن لایەنە سیاسیی و پاڵێوراوەکانەوە
دەستنیشاندەکرێت.
رۆژی ١٠ی ئەم مانگە دەنگدانی گشتی و رۆژی هەشتی مانگیش دەنگدانی
تایبەتی لە سەرانسەری عێراق و هەرێمی کوردستان بەڕێوەچوو و دوای ئەنجامدانی هەڵبژاردنەکەش،
کۆمسیۆنی باڵای سەربەخۆی هەڵبژاردنەکان رایگەیاند، "ئەنجامی بەراوردکاری دەنگەکانی
دەستیی و ئەلیکترۆنی هاوتابوون."
