سەرۆکی جوڵانەوەی نەوەی نوێ رایگەیاند، بێدەنگ نابن لەو دۆخەی دەسەڵات دروستیکردووە و ئەگەر دۆخی هاوڵاتییان بەم شێوەیە بڕوات و دەسەڵات بێباک بێت، ئەوا خۆپیشاندانی سەرتاسەری لە هەرێم دەست پێ دەکەنەوە.
شاسوار عەبدولواحید سەرۆکی جوڵانەوەی نەوەی نوێ لە فەیسبووک بڵاویکردەوە، "ئەگەر دۆخی هاوڵاتییان بەم شێوەیە بڕوات و دەسەڵات بێباک بێت، ئەوا خۆپیشاندانی سەرتاسەری لە هەرێم دەست پێ دەکەینەوە."
ئاماژەی بەوەشکردووە، "نەوەی نوێ هێزی گەلە و لە گەلەوە
سەرچاوەی گرتووە، خەڵک لە پێش هەموو شتە لای ئێمە، لە پێش کورسی و وەزارەت و بەرژەوندی
و پارەیە."
باسی لەوەشکردووە، "ئەم دۆخەی دەسەڵات خوڵقاندوێتی،
جگە لەوەی دۆخێکی زۆر قورسە بۆ خەڵک و بێدەنگ نابین لێی، ئەوا دژی ئەو قسانەی خۆیشیانە
کە بەردەوام باسی یەکریزی کورد دەکەن."
شاسوار عەبدولواحید راشیگەیاندووە، "یەکریزی بە زیادکردنی
بارگرانی لەسەر شانی هاوڵاتییان نابێت، دۆخی ناوخۆی هەريم و بەغداد دوو دیوی یەک
دراون و لە یەک جیاناکرێنەوە."
لە ١٠ی ١٠دا هەڵبژاردنی پەرلەمانی عێراق بەڕێوەچوو و جوڵانەوەی
نەوەی نوێش وەک هێزێکی کاریگەر بەشداریکرد و توانی ببێتە هێزی دووەم لەسەر ئاستی هەرێمی
کورستان و ئەگەر ١٠٪ی زیاتری هاوڵاتییان بچونایە بۆ هەڵبژاردن نەوەی نوێ دەبووە هێزی
یەکەم لە سەرانسەری هەرێمدا.