سەردێڕ:

بەهۆی سەرکەوتنی هەڵبژاردنەکانەوە؛ کۆشکی سپی پیرۆزبایی لە عێراق دەکات

PM:11:04:12/10/2021

5444 جار خوێندراوەتەوە

کۆشكی سپی رایگەیاند، پیرۆزبایی لە حکومەتی عێراقی دەکەن بەهۆی سەرکەوتنی پرۆسەی هەڵبژاردن و ئەنجامدانی هەڵبژاردنەکە لەکاتی خۆیدا.


جین ساکی وتەبێژی کۆشكی سپی رایگەیاند، هەڵبژاردنی عێراق لە کەشێکی هێمانانە و ئەرێنیانەدا بەڕێوەچووە و چاوەڕوانی ئەنجامی کۆتایی دەکەن.

جین ساکی ئاماژەی بەوەشداوە، ''دوای پشڕاستکردنەوەی ئەنجامەکان، هیوادارین ئەندامانی نوێی پەرلەمانی عێراق حکومەتی نوێ پێکبهێنن و نوێنەرایەتی گەلی عێراق بکات."

رۆژی یەکشەممە، ١٠ی تشرینى یەکەم دەنگدانی گشتی و رۆژی هەینی ٨ی ئەم مانگەش دەنگدانی تایبەت بۆ ھەڵبژاردنی پێنجەمین خولی پەرلەمانی عێراق لە کاتژمێر ٧ی بەیانی دەستیپێکرد و تا ٦ی ئێوارە بەردەوامبوو.

دوای تەواوبوونی هەردوو دەنگدانی (گشتی و تایبەت)، کۆمسیۆنی باڵای سەربەخۆی هەڵبژاردنەکانی عێراق رایگەیاند، کە پرۆسەکە بەسەرکەوتوویی بەڕێوەچووە و ئەنجامی بەراوردکاری دەنگەکانی دەستی و ئەلیکترۆنیدا، دەنگەکان هاوتابوون.

هاوکات، جوڵانەوەی نەوەی نوێ وەک هێزێکی کاریگەری کوردستان بەشداری کرد، بەهۆی هەڵوێستەکانی رابردوویەوە کە بەردەوام لەگەڵ هاوڵاتییاندا بووە و لە بەرەی گەل بووە توانی ببێتە جێی متمانەی بەشێکی زۆر لە هاوڵاتییان و نۆ کورسی بەدەست بهێنێت و ببێتە هێزی دووەم لە هەرێمی کوردستاندا.








گەلەری