وەزارەتی خوێندنی باڵا و توێژینەوەی زانستی هەرێم بڕیاریدا، کرێى خوێندن لە زانکۆ و پەیمانگا حکومییەکان بە رێژەى (٤٥%) لە گشت قۆناغەکانى خوێندنى بەرایى و خوێندنى باڵا (پارالێل - ئێواران) کەمبکرێتەوە و بۆ زانکۆ و پەیمانگا ناحکومەییەکان کەمکردنەوەکە بەرێژەی ١٠%-٢٠% بێت.
ئەمڕۆ پێنجشەممە، وەزارەتی خوێندنی باڵای هەرێم بە فەرمانێکی وزاری تایبەت بە کەمکردنەوەى کرێى خوێندن لە زانکۆ و پەیمانگە حکومییەکان و تایبەتەکانى هەرێمى کوردستان دەرکرد.
ئاماژەی بەوەشداوە، ''هەرێمى کوردستان بە بارودۆخێکى تایبەت
گوزەر دەکات بە شێوەیەک پێویستە هەمووان رەچاوى بار و گوزەرانى دارایى خەڵکى خۆمان
بکەین و لە هەمان کاتیشدا بتوانین هەلى خوێندن بۆ هەموان دەستەبەر بکەین''.
ئەوەشی خستووەتەڕوو، بۆ دروستکردنی کەشێکی زانستی لە دامەزراوە
ئەکادیمیەکان هاوڵاتییان بڕیاریاندا بە کەمکردنەوەى کرێى خوێندن لە زانکۆ و پەیمانگە
حکومى و تایبەتەکان.
باسی لەوەشکردووە، کەمکردنەوەى کرێى خوێندن لە زانکۆ و پەیمانگە
حکومى و تایبەتەکان بەم شێوەیە دەبێت:
زانکۆ حکومییەکان
داشکانى رێژەى (٤٥%) لە کرێى خوێندنى (پارالێڵ) و (ئێواران)ى
گشت قۆناغەکانى خوێندنى بەرایى و خوێندنى باڵا لە سەرجەم زانکۆ حکومییەکان و دامودەزگاکانى
ترى وەزارەتى خوێندنى باڵا و توێژینەوەى زانستى بۆ ساڵى خوێندنى (٢٠٢١-٢٠٢٢).
زانکۆ تایبەتەکان
بەپێى ئەنجامەکانى ڕێزبەندى نیشتیمانى زانکۆکانى
کوردستان دەبێت بەم شێوەى خوارەوە:
- ئەو زانکۆیانەى
دەکەونە گروپى B، بەڕێژەى
(١٠%) کرێى خوێندن کەمدەکرێتەوە.
- ئەو زانکۆیانەى
دەکەونە گروپى C، بەڕێژەى
(١٥%) کرێى خوێندن کەمدەکرێتەوە.
- ئەو زانکۆیانەى
دەکەونە گروپى D، بەڕێژەى
(٢٠%) کرێى خوێندن کەمدەکرێتەوە.
- سەرجەم پەیمانگە تایبەتەکان و کۆلێژە زانکۆییەکان بەڕێژەى
(٢٠%) کرێى خوێندنیان کەمدەکرێتەوە.
ئەمە لەکاتێکدایە، لەساڵی ٢٠١٩ەوە وەزارەتی خوێندنی باڵاو
تویژینەوەی زانستی حكومەتی هەرێمی كوردستان بڕیاریداوە بە كەمكردنەوەی بڕی ٤٥ %ی
كرێی خوێندن لە هەردوو سیستمی ئێواران و پارالێڵ بۆ ساڵی ٢٠١٩-٢٠٢٠ و ٢٠٢٠-٢٠٢١.