سەردێڕ:

لەبری ترس پیاوێکی بەتەمەن بەگەردەلولی شاھینەوە کەیف و سەفا دەکات

AM:09:12:04/10/2021

25420 جار خوێندراوەتەوە

دوای ئەوەی گەردەلولی شاھین لە ئێرانەوە روویکردە عومان و ئیمارات، ئاوێکی زۆر لەسەر شەقام و ناوماڵەکاندا بڵاوبۆتەوە، پیرەمێردێکی عومانی ئەم ھەلە دەقۆزێتەوەو دەیکات بەھۆکارێک بۆ کات بەسەر بردن.


گەردەلولی شاھین گەردەلولێکی خولگەیی بەھێزە و ئێران و ئیمارات و عومانی گرتۆتەوەو ھەندێک بەناڕەحەتیەوە رووبەڕووی ئەم دیاردە سروشتیە بوونەتەوە، بەپێی گرتەیەکی ڤیدیۆیی لە تۆڕە کۆمەڵایەتیەکان بڵاوبۆتەوە، پیاوێکی بەتەمەنی عومانی بە بەلەمێکی یەک کەسیەوە لەبەردەم ماڵەکەیدا کەیف و سەفا دەکات.

رۆژی شەممە لە کەناراوەکانی زەریای ھیندی و ناوچەی سیستان و بلوجستان لە باشوری خۆرئاوای ئێران ھەڵیکرد و بەھۆیەوە ٥٣ ھاوڵاتی برینداربوون و پێنج کەسی دیکەش بێ سەروشوێن بوون و دواتر شەوی یەکشەممە گەیشتە کەناراوەکانی سەڵتەنەتی عومان و ئیماراتی عەرەبی و لەناوچە کەناراوییەکانی ئەو دوو وڵاتە دەوامی فەرمی لەسەرجەم دام و دەزگاکاندا بۆ ماوەی دوورۆژی یەکشەممە و دووشەممە راگیران.














گەلەری