وەزیرى پەروەردەى حکومەتى هەرێمى کوردستان راگرتنى خوێندنى لە قوتابخانە و ناوەندەکانى خوێندن لە دوو رۆژ بەر لە دەستپێکردنى هەڵبژاردنى پێشوەخت و رۆژێک لە دواى هەڵبژاردنەکە، راگەیاند.
ئەمڕۆ دووشەممە، ئالان حەمە سەعید وەزیرى پەروەردەى حکومەتى هەرێمى کوردستان لەمیانەى ئەنجامدانى کۆنگرەیەکى رۆژنامەوانیدا ئاماژەى بەوە کرد "دوو رۆژ بەر لە دەستپێکردنى هەڵبژاردن قوتابخانە و ناوەندەکانى خوێندن رادەستى کۆمسیۆن دەکرێن و رۆژێک لەدواى هەڵبژاردنیش خۆمان رێکدەخەینەوە و پاشان دەستدەکرێتەوە بە خوێندن".
رۆژى ١٠ى تشرینى یەکەمى ٢٠٢١ هەڵبژاردنى پێشوەخت لە عێراق ئەنجامدەدرێت و ئەو رۆژەش لەسەرجەم دامودەزگاکانى حکومەت پشوى فەرمییە.
وەزیرى پەروەردە، دۆخى تەندروستى لەناو
قوتابخانە و ناوەندەکانى خوێندن بە باش ناوبرد.
وتیشى "لەگەڵ ئەوەشدا دەبێت هەر پابەندبین بە خۆپارێزى و
مامۆستایانیش بچن بەدەنگ وەرگرتنى ڤاکسین".
وەزیرى پەروەردە دوو شتى بە گرەتنى دانا بۆ بەردەوامبوونى خوێندنى ناو
پۆل ئەوانیش "پابەند بوون بە رێنماییە تەندروستییەکان بەتایبەتى بەستنى
دەمامک و دووەمیان وەرگرتنى ڤاکسین".