PM:05:59:18/08/2021
4408 جار خوێندراوەتەوە
روانگەی سوری بۆ مافەکانی مرۆڤ بڵاویکردەوە، لەئەنجامى بۆردومانێکى تورکیا سێ کەس لەشاری عەفرین کوژران و ژمارەیەکی دیکەش برینداربوون، دەشڵێت"بۆردومانەکە لەلایەن تورکیا و گرووپە چەکدارییەکانی سەر بەو وڵاتە ئەنجام دراون".
ئەمرۆ چوارشەممە، روانگەی سوری بۆ مافەکانی مرۆڤ لەراگەیەندراوێکدا ئاماژەى بەوە کرد، بەگوێرەی زانیارییەکانیان هێرشە موشەکییەکە لەلایەن تورکیا و گروپە چەکدارییە هاوپەیمانەکانى ئەو وڵاتەوە ئاراستەى شارى عەفرین کراوون و بەو هۆیەشەوە سێ کەس گیانیان لەدەستداوە.
هاوکات، هێرشە موشەکیی و ئاسمانییەکانی
تورکیاش بۆ سەر ئەو ناوچانەی لەژێر دەستی هێزە کوردییەکاندایە بە تایبەتی باکووری حەلەب
بەردەوامە و تائێستاش ئاماری زیانە گیانیی و ماددییەکان نەزانراوە.
ماوەی دوو رۆژە، سوپای تورکیا و گرووپە چەکدارییەکانی
سەر بەو وڵاتە هێرشی موشەکیی و ئاسمانییان بۆ سەر ناوچەکانی ژێر دەسەڵاتی هێزە سەربازییە
کوردییەکان دەستیێکردووە و تائێستاش بەردەوامە.
