سیناتۆرێکی ئەمریکی رایگەیاند، عێراق یەکێکە لە هاوبەشە ستراتیجییە گرنگەکانی ئەمریکا لەناوچەکە و دەشڵێت، "ئامانجمان لە عێراق بەرەوپێشبردنی سەقامگیری و گەشەی ئابووری و بەهێزکردنی دیموکراسی و حوکمڕانی و دەستەبەرکردنی ئاسایش و سەروەرییە بۆ وڵاتەکە."
لە راگەیەندراوێکدا کە باڵیۆزخانەی ئەمریکا لە عێراق بڵاویکردووەتەوە هاتووە، لیندسی گراهام سیناتۆری ئەمریکا سەردانی سەرکردەکانی عێراقی کردووە و گفتوگۆیان لەبارەی هاوکاری سیاسی، ئابووری، مرۆیی و ئەمنی لەگەڵ حکومەتی عێراق و حکومەتی هەرێمی کوردستان کردووە.
ئاماژەی بەوەشداوە، لیندسی گراهام بە بەرپرسانی راگەیاندووە،
ئەمریکا پاڵپشتی ئەو ستراتیژییە لە پێشینەیەکانی عێراق دەکات کە پێک دێن لە بەرەوپێشبردنی سەقامگیری و گەشەی ئابووری، بەهێزکردنی
دیموکراسی و حوکمڕانی، هەروەها دەستەبەرکردنی ئاسایش و سەروەری.
لیندسی گراهام باسی لەوەشکردووە، وڵاتهكهی عێراق وهک یهكێک
له گرنگترین هاوبهشه ستراتیژییهكانی ئهمریكا له ناوچهكهدا دەبینێت و گرینگی
بە پێشخستنی دیموكراسی له عێراقدا دەدات.
ئەوەشی خستووەتەڕوو، ههوڵهكانی ئهمریكا بۆ بههێزكردنی
پهیوهندییهكانی ئهمریكا و عێراق له ژێر رێككهوتنی چوارچێوهی ستراتیژیدا بەردەوامی
دەبێت.
باسی لەوەشکردووە، هەوڵەکان له رێگهی هاوكاری مرۆیی، سهقامگیری،
هاریكاریی ئابووری، ههوڵی دژه گهندهڵی، پاراستنی مافی مرۆڤ، بههێزكردنی توانای
ژنان، ئاڵوگۆڕی ئهكادیمی و كولتووری بەردەوام دەبێت.