ئیدارەی خۆسەری رۆژئاوای کوردستان رایگەیاند، ٥١ ژن و منداڵی چەکدارانی داعشیان رادەستی فەڕەنسا کردوەتەوە.
ئیدارەی خۆسەری رۆژئاوای کوردستان لە راگەیەنراوێکدا باسی لەوەشکردوە، شاندێکی فەرەنسا سەردانی رۆژئاوای کوردستانیان کردوە و ١٦ ژن و ٣٥ منداڵی چەکدارانی داعشیان وەرگرتوەتەوە.
لە راگەیەندراوەکەدا ئەوەش
هاتووە، رادەستکردنەوەی ئەو ژن و منداڵانە دوای واژۆکردنی رێککەوتنامەیەک بووە لەنێوان
وەزارەتی دەرەوەی فەڕەنسا و ئیدارەی خۆسەری رۆژئاوا.
باس لەوەشکراوە، رادەستکردنی
ئەو ژن و منداڵانە لە چوارچێوەی بەدەمەوەهاتنی داواکارییەکانیان بۆ وەرگرتنەوەی ژن و منداڵی چەکدارانی داعش لەلایەن وڵاتانی رۆژئاواوە.
بەگوێرەی ئامارەکان لە ماوەی
ساڵی رابردودا ١١٦ منداڵی چەکدارانی داعش و ٤١ ژن، رادەستی وڵاتان کراونەتەوە.