سندوقی نیشتەجێبوونی عێراق رایگەیاند، لە پلاندانیاندایە تا کۆتایی ئەمساڵ بڕی دوو ترلیۆن دینار تەرخان بکەن وەک پێشینەی خانوبەرە بۆ هاوڵاتیان و موچەخۆران.
حسین عەبدوعەلی عەتێبی جێگری بەڕێوبەری گشتی سندوقی نیشتەجێبوونی عێراق بە ئاژانسی هەواڵی عێراقی رایگەیاندووە، پارەکە وەک قەرزی دروستکردنی یەکەی خانووبەرە دەدریتە هاوڵاتیان.
سندوقی نیشتەجێبوونی عێراق
سەربە وەزارەتی ئاوەدانکردنەوە و نیشتەجێبوونە لە زاری جێگری بەڕێوەبەری سندوقەکەوە
رایگەیاند، بڕی پارە تەرخانکراوەکە بۆ پێشینەی خانوبەرەیە بۆ هاوڵاتیان و تا کۆتایی
ساڵ بەردەوامی دەبێت.
ئاماژەی بەوەشدا تا ئێستا
٧٣٧ ملیار دیناریان وەک پێشینە داوە بە هاوڵاتیان بۆ بەڕێوەبردنی ٣٣ هەزار مامەڵەی
خانووبەرە.
ئەوەشی خستەڕوو، ئەو بڕە
پارەیە تەرخانکراوی بانکی ناوەندیی و خۆیشی دەبینێتەوە لە پێنج ترلیۆن دینار و سەرجەم
پارێزگاکانی عێراق جگە لە هەرێمى دەگرێتەوە بەپێی ریژەی دانیشتوان و رێژەی هەژاریی،
کە هەموو کەسێکى ئارەزوومەند دەگرێتەوە فەرمانبەر بن یاخود هاوڵاتى.
ئەوە لەکاتێکدایە، لە هەرێمى
کوردستان لە ساڵى ٢٠١٤ەوە سەرجەم پێشینەکان بە بیانووى قەیرانى داراییەوە راگیراون.