سەرۆکی هەرێمی کوردستان لە پێشوازیی سیناتۆرێکی ناوداری ئەمریکی رایگەیاند، كليلى سهقامگيرى و چارهسەركردنى كێشهكانى عێراق، چارهسهركردنى كێشهكانى ههولێر ـ بهغدايه به گفتوگۆ و بهپێی دهستوور.
ئەمڕۆ سێشەممە، سەرۆکایەتی هەرێم راگەیەنراوێکی بڵاوکردەوە و تیایدا هاتووە، رۆژی دووشەممە نێچيرڤان بارزانى، سهرۆكى ههرێمى كوردستان پێشوازى له لیندزی گراهام، سيناتۆرى ناوداری ئەمریکی و شاندێكى ياوهرى كرد.
ئاماژەی بەوەشکردووە، شاندەکە
پێکهاتبوو لە ئالينا رۆمانۆوسكى، باڵيۆزى
ئەمريكا له عێراق و جهنهراڵ جۆن برێنان، فهرماندهى هێزى هاوپهيمانيى نێودهوڵهتى
و ژمارهيهك ديپلۆماتكار و پلهدارانى سهربازيى ئەمریکی.
راگەیەنراوەکەی سەرۆکایەتی
هەرێم ئەوەشی خستووەتەڕوو، له کۆبوونەوەیاندا
دۆخى عێراق و پرۆسهى سياسی وڵات، دوايين پێشهاتهكانى شهڕى دژى تيرۆر، پهيوهندييهكانى
ههولێر و بهغدا و گفتوگۆى چارهسهركردنى
كێشهكانى نێوانيان، دۆخى سوريا و پرسى كورد لهو وڵاته، تاوتوێ كراون.
ئاماژەی بەوەشداوە، هەروەها
ههردوولا جهختيان له گرنگيى پاراستنى ئارامى و سهقامگيریی ناوچهكه كردووەتەوە
و كۆك بوون لهسهر ئهوهى مهترسي تيرۆر و سهرهەڵدانهوهى داعش ههڕهشهيهكى
راستهقينهيه لهسهر ئارامى و سهقامگيریی عێراق و سوريا و بۆ بهرهنگاربوونهوهى
ئهو مهترسييه، پێويسته ئارامى و سهقامگيرى له ناوچهكه پارێزراو بێت و ههمووان
لهم پێناوهدا ههوڵ و كۆششيان بخهنه گهڕ.
لەلایەن خۆیەوە، نێچيرڤان
بارزانی سەرۆکی ههرێمى كوردستان جەختیكردهوه
لەسەر ئەوەی كليلى سهقامگيرى و چارهسهركردنى كێشهكانى عێراق، چارهسهركردنى
كێشهكانى ههولێر- بهغدايه به گفتوگۆ و بهپێى دهستوور.