PM:06:20:03/07/2022
5156 جار خوێندراوەتەوە
پارتی دیموکراتی گەلان هەدەپە پێنجەم کۆنگرەی خۆی لە ئەنقەرە بەست و کۆنگرەکەش بە بەشداری زیاتر لە هەزار ئەندام بەڕێوەچوو و تیایدا هەریەک لە "پەروین بوڵدان" و "مەدحەت سانجارى" وەکو هاوسەرۆکانى گشتی هەڵبژارد.
پێنجەم کۆنگرەی پارتی دیموکراتی گەلان هەدەپە بە دروشمی "ئێمە چارەسەرین" دەستیپێکرد و هەزاران لایەنگری پارتەکەش بەشدارییان کردووە، هاوکات نوێنەرانی سەدان حزب و رێکخراوی تورکیا و دەرەوەی تورکیا بانگهێشتی کۆنگرەکە کراون.
لە کاتی کردنەوەی کۆنگرەکەدا
بەرپرسانی پارتەکە ئاماژەیان بەوە کرد، کە دەیانەوێت ئاشتی و دادپەروەری و دیموکراسی
لە تورکیا پێکبێنن و دەشڵێن، "کۆنگرەکەمان وەڵامێکی روونە بۆ فاشیزم لە تورکیا".
هەر لە کۆنگرەکەدا ئەندامانی
سەرکردایەتی و ئەنجومەنی پارتەکە و هاوسەرۆکان هەڵبژێردران و هەریەک لە پەروین بوڵدان
و مەدحەت سانجار وەک هاوسەرۆکانى گشتیی هەڵبژێردران.
پارتی دیموکراتی گەلان لە
ساڵی ٢٠١٢ دامەزراوە و زیاتر لە ١٠ هەزار ئەندامی لە زیندانەکانی تورکیادان، چەندین
جاریش هەوڵی داخستنی پارتەکە دراوە.
