سەردێڕ:

رووداوێكی ته‌قه‌كردن له‌ كه‌ركوك كوژراو و برینداری لێكه‌وته‌وه‌

PM:11:41:23/06/2022

8020 جار خوێندراوەتەوە

پۆلیسی كه‌ركوك به‌ ئێن ئاڕ تی راگه‌یاند، له‌ گه‌ڕه‌كی حساباتی شاری كه‌ركوك شه‌ڕ و ده‌مه‌قاڵێ له‌ نێوان چوار كه‌سدا دروست بووه‌ و به‌هۆیه‌وه‌ كه‌سێك كوژراوه‌ و سێ كه‌سه‌كه‌ی دیكه‌ برینداربوون.


كاوه‌ غه‌ریب به‌ڕێوه‌به‌ری پۆلیسی كه‌ركوك به‌ ئێن ئاڕ تی راگه‌یاند، ئه‌و چوار كه‌سه‌ مه‌ست بوون و دواتر شه‌ڕ و ده‌مه‌قاڵێ له‌ نێوانیان دروست بووه‌.

به‌ڕێوه‌به‌ری پۆلیسی كه‌ركوك باسی له‌وه‌ش كرد، ئه‌و كه‌سه‌ی كوژراوه‌ كارمه‌ندی پۆلیسی فیدڕاڵی بووه‌ و به‌ڵام له‌ كاتی ئه‌ركدا نه‌بووه‌.

ئه‌وه‌شی خسته‌ڕوو، له‌ ئێستادا په‌ڕاوی لێكۆڵینه‌وه‌ بۆ ڕوداوه‌كه‌ كراوه‌ته‌وه‌. به‌پێی وته‌ی پۆلیسیش ئه‌و كه‌سه‌ی كه‌ كوژراوه‌ پێشینه‌ی تاوانی هه‌یه‌ و بۆیه‌ پێویسته‌ به‌ ورده‌كارییه‌وه‌ لێكۆڵینه‌وه‌كان به‌ڕێوه‌بچن.


سۆران محه‌مه‌د – كه‌ركوك













گەلەری