سەردێڕ:

دوێنێ شاندێکی ئەمنی حکومەتی هەرێم لە تاران بوون

PM:09:04:16/05/2022

7212 جار خوێندراوەتەوە

چاوگێکی ئاگادار بە ئێن ئاڕ تی راگەیاند، دوێنێ یەکشەممە شاندێکی ئەمنی حکومەتی هەرێم کە لە یەکێتی و پارتی پێکهاتبوون لە تاران بوون و رێککەوتوون لەسەر ئەوەی حزبەکانی رۆژهەڵات لە سنورەکانی پیرانشار و کێلەشین دووربخرێنەوە.


چاوگەکە ئاماژەی بەوەشکردووە، رێبەڕ ئەحمەد وەزیری ناوخۆی هەرێم سەرکردایەتی شاندەکەی کردووە و رێککەوتنێکیان لەگەڵ حکومەتی تاراندا کردووە لەبارەی دوورکەوتنەوەی حزبەکانی رۆژهەڵات لە سنورەکانی پیرانشار و کێلەشین.

هەر بە گوێرەی زانیارییەکان، لە بەشێکی دیکەی رێککەوتنەکەدا باس لە چەکدانانی حزبەکانی رۆژهەڵات لە زڕگوێز و کۆیە کراوە و داوا لە شاندەکەی هەرێم کراوە حزبەکانی رۆژهەڵات وەک پەنابەری سیاسی دانیشن.

ئەمەش لە کاتێکدایە، ئێران هاوشێوەی تورکیا ناوبەناو ناوچە سنورییەکانی هەرێمی کوردستان بە بیانووی بوونی چەکدارانی هێزە کوردییەکان بۆردوومان دەکات و دواین جار بەیانی رۆژی ١١ی مانگی ئایاری ئەمساڵ تۆپبارانی کوێستانەکانی بەربزینی سەر بە ناحیەی سیدەکان کرابوو لەلایەن ئێرانەوە.














گەلەری