سەردێڕ:

لە رووداوێکی هاتوچۆدا کەسێک گیانیلەدەستدا و دوو کەسیش بریندار بوون

PM:07:56:16/05/2022

9252 جار خوێندراوەتەوە

بەڕێوەبەرایەتی تەندروستی چەمچەماڵ رایگەیاند، لە رووداویکی هاتچۆدا لەسەر رێگای ناحیەی تەکیەی کاکەمەد بۆ ئاغجەلەر کەسێک گیانی لەدەستدا و دوو کەسیش برینداربوون.


ئەمرۆ دووشەممە، لە راگەیەندراوێکدا بەڕێوەبەرایەتی تەندروستی چەمچەماڵ رایگەیاند، بەهۆی رووداوێکی هاتوچۆوە لەسەر رێگای ناحیەی تەکیەی کاکەمەد بۆ ئاغجەلەر هاوڵاتییەکەی تەمەن ٢١ ساڵ گیانیلەدەستدا و دوو کەسی دیکەش بریندار بوون

ئاماژەی بەوەشکردووە، بریندارەکان لەلایەن فریاکەوتنی مەڵبەندی تەندروستی شەهید حەمەغەفور ئاخجەلەری و تیمی فریاکەوتنی خێرا ١٢٢ەوە گواسترانەوە بۆ سەنتەری فریاکەوتنی چەمچەماڵ.

رووداوەکانی هاتوچۆ بە یەکێک لە هۆکارە سەرەکییەکانی گیان لەدەستدان و برینداربوون یان کەمئەندامبوون دادەنرێت لە هەرێم، کە بەشێکی پەیوەندی بە خراپی رێگاوبان و کوالێتی رێگاوبانەکانەوە هەیە و بەشێکیشیان پەیوەندی بە پابەندنەبوونی شۆفێران بە خێرایی دیارکراو و رێنماییەکانی هاتوچۆوە هەیە.













گەلەری